د افغانستان غړو ښکلا فدراسیون مشرباورخان هوتک رسنیو سره په خبرو کی وویل، چې په دې سیالیو کې د افغانستان د بېلا بېلو ولایتونو څخه ۶۵۰ مخکښو د غړو ښکلا لوبغاړو برخه اخیستې وه.
د هېواد د غړو ښکلا فدراسیون یوه چارواکي سلام وطندار ته وویل، چې په دې سیالیو کې د هېواد په کچه په ۲۸ ولایتونو کې د غړوفدراسیونونو ثبت شوي لوبغاړو ګډون کړي وو.
د غړو ښکلا فدراسیون له خوا د ورکړل شویو معلوماتو له مخې، د سیالیو په لومړۍ ورځ د لوبغاړو وزن ټاکنه وشوه، چې په ورپسې ورځ بیا د لوبڅارانو له خوا غوره لوبغاړي فاینل پړاو ته غوره شول او نن د اتل پیژندلو لپاره وروستۍ پړاو ترسره شو.
د یادونې وړ ده، چې د (مسټرافغانستان) غړو ښکلا لقب تېرکال هلمندي لوبغاړي شکر الله ترلاسه کړی وو.
