ولسمشر غني ۲ میاشتې وړاندې د ګډو ګټو هېوادونو د استازیو په موجودیت کې د لاجوردو سوداګریزه لار پرانستله او هماغې ورځ ۹ باروړونکي موټر چې د افغانستان تولیدي محصولات پهکې بار وو له همدې لارې اروپا ته ولېږل شول.
هغه کاروان چې د افغانستان صادراتي محصولات یې اروپا ته وړي وو، اوس بېرته هېواد ته را ورسېد.
د هرات ولایت د ټرانسپورټ رییس یونس رهنورد که څه هم د یادې لارې پرانستې ته خوښ دی، خو وايي، موټرچلوونکي پر یاده لار له ستونزو سره مخ شوي دي.
نوموړی ټرانزیټي سېسټم «تیر»، ګمرکي ستونزې، د موټرو ډوه پلېټونه هغه ستونزې یادو:ي چې موټرچلوونکي د لارې په اوږدو کې ورسره مخ شوي، خو وايي، د حل لپاره یې هڅې روانې دي.
رهنورد زیاتوي، د افغانستان د موټرو کاروان ۱۸۰ ټنه کرنیز محصولات چې د ورېښمو تار، کنجد او د هېنډوانې تخم پهکې شامل وو، اروپا ته یووړل او له هغې خوا یې غوړي، سولري بطرۍ او درمل راوړي دي.
ولسمشر غني د لاجوردو لار پرانېسته
د لاجوردو لارې د هوکړهلیک د غړیو هېوادونو د کارپوهانو دویمه غونډه
غني: د لاجوردو لاره د خلاصېدو په حال کې ده
په همدې حال کې د هرات والي عبدالقیوم رحیمي وايي، د لاجوردو لارې ستونزې په نښه شوي او د حل لپاره یې هم هڅې روانې دي.
د یادونې ده چې د لاجوردو سوداګریزه لار له افغانستانه پیل شوې او له ترکمنستان، اذربایجان، ګرجستان او ترکیې نه په تېرېدو له اروپا سره نښلي.
