دا جرګه پرون د افغان ولسمشر محمداشرف غني په پرانیستونکې وینا پیل شوه او ټاکل شوېوه درې ورځې خپل کار پای ته ورسوي.
خو د سولې مشورتي جرګې جوړېدلو کمېسیون یو غړي عبدالرشید ایوبي د چارشنبې ورځ له غرمې وروسته خبریالانو ته وویل، د اداري پلاوي او کمېټو ټاکنو کې د رامنځته شویو ستونزو له امله ښایي دا جرګه یوه ورځ نوره هم وغځېږي.
د سولې مشورتي جرګې نن په ۵۱ کمېټو کې خپل کار پیل کړ چې هره کمېټه شاوخوا ۸۰ غړي لري.
ولسمشر غني پرون د پخوانیو مجاهدینو یو مشر عبدالرب رسول سیاف د سولې مشورتي لویې جرګې رییس په توګه ونومولو.
دغه راز، په ځېنو رپوټونو کې راغلي چې د مشورتي لویې جرګې ریاست څلورو مرستیالانو څوکیو ته ۱۹ او څلورو منشیانو څوکیو ته ۳۰ کسانو ځانونه نومولي دي.
