.jpg)
د بدخشان ولایتي شورا غړی طالبالدین قادري وايي، دغه ولایت کې د وروستیو واورو اورېدو له امله له تېرو دوو ورځو راهیسې د ۹ ولسوالیو او مرکز ترمنځ غځېدلې لارې تړلې دي.
د نوموړي په وینا، په یادو ولسوالیو کې لازمې روغتیايي اسانتیاوې نهشته او د لارو بندوالي خلک له ګڼو ستونزو سره مخ کړي دي.
په همدې حال کې د واخان ولسوالي اوسېدونکي سلامت او فیضعلي وايي، وردوج ولسوالي کې طالبانو لارې تړلي او واخان ته تللی نهشي. دوی زیاتوي، که حکومت ورته پام و نهکړي، سخت ژمی به ولري.
په همدې حال کې د بدخشان طبعي پېښو پرړاندې ادارې رییس سیدعبداللههمایون دهقان که څه هم د لارو بندوالی مني، خو وايي کاري ډله یې سیمې ته تللې او په نږدې راتلونکې کې به یادې لارې پرانېزي.
نوموړی زیاتوي، د اغرده لار چې زېباک، شکاشم، شغنان او واخان سره نښلوي، له تېرو دوو ورځو راهیسې تړلې او دغه راز د یاوان، کوهستان او راغستان ولسوالیو لارې هم بندې دي چې د پرانستلو لهپاره یې هڅې روانې دي.
.jpg)
که څه هم د بدخشان سیمهییز مسوولان تل د ستراتيژیکو زېرمو جوړولو او طبعي پېښو لهپاره د چمتووالي خبره کوي، خو د ځايي خلکو په وینا، سیمهییز چارواکي د طبعي پېښو له کبله زیانمنو ته مرستې رسولې نهدي او هېڅ ژمنه یې عملي شوې نهده.
