د بلخ، جوزجان، فاریاب او کندوز لسګونو ترکمنانو د سمنګانو د ګوښهشوي والي عبدالکریم خدام په ملاتړ راټول شويوو او د ښاغلي خدام ګوښهکول یې یو قومي کړنه وبلله زیاته یې کړه چې دوی دا پرېکړه نه مني.
دوی وایي چې ترکمنان له ۳ میلیونو ډېر نفوس په لرلو سره په افغانستان کې پنځم ځای لري چې لږ تر لږه باید څو وزارتونه، سفارتونه، ولایتونه او لوړې امنیتي ورکړل شي.
دې معترضانو د ښاغلي خدام د دې پرېکړې ملاتړ وکړ چې له دندې نه لېرې کېږي. دوی په ټینګار سره له ګوښه کړای شوي والي وغوښتل چې د سمنګان ولایت څوکۍ پرېنهږدي.
د ولسي جرګې پخوانی غړی روز ګیلدی اوچي وایې چې د ملي یووالي حکومت د یو توافق پر بنسټ جوړ شوی او ترکمنان حق لري چې یووالی ولري.
دی زیاتوي چې خدام د عبدالله د همپالنې د ټیم غړی دی او د همدې ټیم له لوري باید له دندې ګوښه شي.
د ترکمنانو قومي مشران وایي چې دوی به د خپل حق د ترلاسه کولو لهپاره ډېر لاریونونه وکړي او لویې لارې به د ترافیکو پر مخ وتړي.
د بلخ د ترکمنانو شورا مشر حاجي محمدانور او د ترکمنانو یو قومي مشر عبدالحی حمیدي وایي، که اوسنۍ حقغوښتنې پایله ورنهکړه؛ دوی به خپل اعتراضونه جوزجان او فاریاب ولایتونو ته هم وغځوي او تر هغې به دوام ورکړي چې د دوی غږ نه وي اورېدل شوی.
د ښاغلي خدام د ګوښهکولو په غبرګون کې جمعیت اسلامي هم د خبرپاڼې په خپرولو سره د ولسمشر دا پرېکړه یو اړخیزه بللې ده.
ارګ په ورستیو کې د والایانو ګوښهکولو په اړه له څه ویلو ډډه کوي او د سیمهییزو ارګانونو ادارې سره په ځلونو اړیکو نیولو سره بیا هم د دوی د نظر په اخیستلو بریالي نهشو.
شاوخوا دوې میاشتې مخکې د بلخ ګوښهکړی شوي والي عطامحمدنور د ده د ګوښهکولو فرمان ونه منلو او وروسته له ډېرو چنو وهلو؛ ټاکل شوې جمعیت اسلامي په ۱۵ ولایتونو کې لاریونونه وکړي.
