د امریکا د بهرنیو چارو وزیر مایک پمپیو د دغه هېواد د سنا جرګې د لګښتونو په کمېټه کې د یوې غونډې پر مهال وویل، افغان حکومت به له طالبانو سره په هر ډول خبرو اترو ښه ځواکمن ځای ولري.
مایک پمپیو وویل، د هغو هېوادونو ګټې به چې په افغانستان کې د ترهګرۍ پر وړاندې مبارزه کې یې لري، وساتل شي او امریکا به دا ډاډ ترلاسه کړي چې افغانستان بیا د داعش او القاعدې پر ځاله نه بدلېږي.
پمپیو زیاتوي، که طالبان یو ځل بیا په افغاني ټولنه کې جذب شي، دا کار به د طالبانو د شرایطو له مخې نه، بلکې د امریکا د شرایطو له مخې کېږي.
د امریکا د بهرنیو چارو وزیر د دغه هېواد د سنا جرګې د لګښتونو کمېټې د رییس د هغې پوښتنې په ځواب کې چې ایا دی (د بهرنیو چارو وزیر) یادې کمېټې ته دا ډاډ ورکولای شي چې افغان حکومت به د سولې په خبرو اترو کې ځواکمن ځای ولري؟ وویل، دا خبرې اترې به د افغان حکومت په رهبرۍ او محوریت وشي.
اړوند مطالب:
