د مصر یوې محکمې د دغه هېواد د پخواني ولسمشر محمد مرسي د اعدام د حکم په اورولو سره د دې پرېکړې د غندنې لپاره د ترکیې په بېلابېلو ښارونو کې د خلکو له خوا لاریونونه وشول.
مرسي ته د عدام دغه سزا په ۲۰۱۱زېږديز کال کې د یو زندان ماتولو او د ګڼو زندانیانو د تېښتې په تور تورن بلل شوی و. د مرسي لپاره د اعدام سزا د (مې) میاشتې په لومړیو کې وټاکل شوه، خو له هغې وروسته تایید شوه، چې د مصر لوی مفتي پرې خپل نظر ورکړ او بلاخره د (۲۰۱۵ د جون په ۱۶مه) د مصر یوې محکمې د محمد مرسي د اعدام سزا تایید کړې ده.
د مصر پخواني ولسمشر محمد مرسي ته د دغه هېواد د اوسني نظام له خوا د اعدام د سزا په اورولو د ملګرو ملتونو سر مشرۍ او ځېنو هېوادونو اندېښنې په ډاګه کړې دي.
د ملګرو ملتونو مشر بانکي مون د محمد مرسي د اعدام د پر پرېکړه اندېښنه څرګنده کړې، په داسې حال کې چې امریکا هم مرسي ته د اعدام د سزا په اورولو اندېښنه ښيي او دغه پرېکړه یوه سیاسي توطیه بولي.
بل لور ته د ترکيې په انقرې او استانبول ښارونو کې په زرګونو ترکانو د مصر نماینده ګیو مخې ته احتجاجیز لاریون وکړ او لاریوانولو د محمد مرسي پر پلوۍ شعارونه ورکړل.
په ترکیه کې لاریونوالو د مرسي د اعدام پرېکړه غیر عادلانه وګڼله او د ده د لپاره د دغې ټاکل شوې سزا په اړه یې د نړۍ د هېوادونو خاموشه پاتې کېدل وغندل.
له بل لوري مرسي ته همدا نن د فلسطیني حماس ډلي د جاسوسۍ په تور د عمري زندان سزا اعلان شوې ده.
په مصر کې د (۲۰۱۱) زېږديز کال کې شوی پاڅون د حسن مبارک د ۳۰ کلنې واکمنۍ پای ته رسېدو لامل شو او له هغه یو کال وروسته مرسي د ولسمشر په توګه وټاکل شو.
د (۲۰۱۳ جولای) کې د مصر پوځ له سختو لاریونونو وروسته مرسي له واکه لرې کړ.
مرسي همدا اوس، د خپلې ولسمشرۍ په تازه وختونو کې د لاریونوالو د نیولو او ځپلو د امر د ورکولو پر تور د ۲۰ کلن زندان سزا تېروي.
د مصر د دولتي ټلوېزیون په خپور شوي راپور کې ویل شوي، چې اخوان المسلمین د فلسطین له حماس سره په ګډه د مصر ختیځو پولو کې د نفوذ کولو او پر زندانونو د برید پلان درلود.
مرسي، د هغه وخت د پوځي چارواکي او اوسني ولسمشر عبدالفتاح السیسي له لورې ګوښه شو او له هغه وروسته له بېلا بېلو تورونو سره زندان ته واستول شو.
د مصر ابتدایه محکمې په ۲۰۱۳ زېږديز کال کې د مرسي له ګوښه کولو وروسته له سلو زیات مرسي پلوي کسان په اعدام محکوم کړل.
په همدې مهال کې د مرسي پلویانو د هغه پر خلاف دغه ټول تورونه ملنډې بللې دي.
