د هرات ولایت د ټولګټو ریاست مسوولان د دې ولایت د لویو لارو ویجاړېدو ځنې په اندېښنې پر مرکزي حکومت نیوکه کوي.
د هرات د ټولګیو رییس حبیبالله تیموري وايي، د هرات ولایت د ورودي دروازو ترازوګان له ۶ میاشتو راهیسې غیرفعال شوي دي او هره ورځ نږدې ۱۰۰۰ موټر چې له ټاکلې اندازې زیات بار لري د سړکونو ویجاړېدو سبب شوي دي. د تیموري په خبره، دغه سړکونه او واټونه بیاځلي پخېدو ته اړتیا لري.
د هرات د والي ویاند جیلاني فرهاد دغه اندېښنې پرځای بولي. دی وايي، ګمرکونو ته دنده سپارل شوې چې د اضافه وزنو موټر مخینوي وکړي.
په ورته وخت کې د ټولګټو وزارت ویاند مهدي روحاني سلاموطندار ته وايي، د لویو لارو په اوږدو کې په لګېدلو ترازوګانو کې د فساد په اړه د خپرو شویو راپورونو نه وروسته د اقتصاد عالي شورا د ولسمشر په پرېکړه په ټولو لویو لارو کې ۲۲ ترازوګانې وتړلې.
لهدې سره ښاغلی روحاني وايي، تر یوې میاشتې پورې به په لویې لارې ګرځنده ترازو فعاله شي.
