لسګونه زوراکي، پېژندل شوې څېرې او ځېنې دولتي کارکوونکي له خپلو صلاحیتونو نه په ګټنې سره د برېښنا شرکت د کلونو ـ کلونو د لګښت بیلونه نهدي تحویل کړي. دې زرواکانو کله ناکله د برېښنا شرکت کارکوونکي وهليډبولي هم دي.
اوس د برېښنا شرکت مسوولان وايي، ټاکل شوې سبا ته د برېښنا د لګښتونو پورهوړو پر وړاندې د «د برېښنا د زوراکو افشا» په نامه کمپاین پیل کړي.
د برېښنا شرکت رییس امانالله غالب نن په کابل کې یوې خبري غونډې ته وویل، دوی له زورواکو نه د پيسو د راټولولو لهپاره د کار نوې طریقه غوره کړېده.
د ده په خبره، دوی سر له سبا د هر پورهوړي زورواکي پېژندګلو، دنده، د اوسېدو ځای او د پور اندازه له رسنیو سره شریکوي او په همدې طریقه د برېښنا پورونه لاسته راوړي.
د ښاغلي غالب په وینا، څه موده مخکې د رسنیو له لارې د ځېنو پورهوړو نومونو او هویت افشا د دې سبب شوه چې شاوخوا ۱.۶میلیارد افغانۍ شرکت ته تحویل شوې.
د برېښنا شرکت رییس همداراز وايي چې په راتلونکې اوونۍ کې د حکومت په ملاتړ له لویې څارنوالۍ سره یو تړون هم لاسلیکوي.
په ورته وخت کې نن د برېښنا شرکت له خصوصي شرکتونو سره د برېښنا د کارونو ۱۰ پروژو قرادادونه د ۳۵۰ میلیونو افغانیو په ارزښت لاسلیک کړل.
ورته مطالب:
د برېښنا شرکت پوروړي درنو جرمنو سره د مبارزې عدلي او قضایي مرکز ته ورپېژندل کېږي
د پروان د برېښنا په وېش کې پراخ فساد شوی
د بدخشان امنیتي بنسټونه هم د برېښنا لګښت نه ورکوي
