ولسشمر غني دوې میاشتې مخکې د بلخ په مارمل ولسوالۍ کې د برېښنا شبکې پرانېسته وکړه؛ خو د دې ولسوالۍ اوسېدونکي لا هم برېښنا څخه بېبرخې دي.
د مارمل ولسوال فضلالدین جسور وايي، دې ولسوالۍ کې د برېښنا نهشتوالي خلک اوړي کې له ډېرو ستونزو سره مخ کړيدي.
ښاغلی جسور وايي، له دوو میاشتو راهیسې یې څو ځلې د بلخ له والي، د الماني شرکت له مسوولانو او برېښنا ریاست سره خپلې ستونزې شریکې کړي؛ خو د نامعلومو دلایلو له امله تراوسه پورې د مارمل ولسوالۍ برېښنا نهده نښلول شوېده.
د بلخ والي دفتر د سکتوري خدمتونو مشر ذبیحالله اختري د مارمل ولسوالۍ اوسېدونکیو د شکایتونو په ځواب کې وايي، د دې ولسوالۍ برېښنا د ښاري شبکې په وېشلو کې د ستونزو له امله، نهده نښلول شوې.
خو د مارمل ولسوال د دې ادعاوو په ردولو سره وايي، د پروژې له پليکوونکي الماني شرکت سره یې خبرې کړي او د مارمل برېښنا ښاري شبکې وېشلو سیستم کې هېڅ ډول ستونزه نهشته.
خو بلخ کې د برېښنا رییس نسیم ګنجي، کمپیوټر کې د برېښنايي میټرونو ثبت او د میټر پیسو نهورکول، د مارمل ولسوالۍ د برېښنا په تړلو کې د ځنډ اصلي لاملونه بولي.
د ښاغلي ګنجي په وینا، تر هغو چې د مارمل ولسوالۍ اوسېدونکي د برېښنا ریاست کمپیوټرونو کې خپل میټرونه ثبت نهکړي؛ د دې ولسوالۍ برېښنا به ونهنښلول شي.
د مارمل ولسوالۍ اوسېدونکي له څوو کلونو راهیسې برېښنا نهلري.
د مارمل ولسوالۍ د برېښنا شبکې په پرانیستلو سره د دې ولسوالۍ اوسېدونکي هیلهمن وو چې کورونو ته به یې برېښنا ورسېږي؛ خو دولتي چارواکي بیا د دې ځنډ اصلي لامل تخنیکي ستونزه بولي.
