د غور ولایت دولتیار ولسوالۍ په پشته نور سیمه کې یو زلمي خپله کوژدنه په ګولۍ وېشتلې ده.
د غور ولایت د امنیې قوماندانۍ سرپرست ضیاالدین ثاقب د پېښې په تایید سلام وطندار ته وویل، په پشته نور سیمه کې جلۍ وروسته له هغې وژل شوې، چې د واده د زیاتو لګښتونو پر سر له جنجال وروسته، د خپل کوژدن سره د تېښتې کولو وړاندیز یې ردکړ.
ثاقب وايي، قاتل له سیمې تښتېدلی دی.
د غور د والي ویاند عبدالحی حطیبي پېښه تاییدوي او وايي، چې دغه جلۍ د خپل کوژدن او د هغه ملګري له خوا وژل شوې ده.
