.jpg)
د پکتیا ولایتي شورا غړي او مدني فعالان وايي، ولایتي اداره يوازې د پروژو پرانيسته کوي خو د عملي کار څرک یې نه لیدل کېږي.
دوی وايي، ولسمشر پکتيا ته وروستي سفر کې د مامورينو ښارګوټی، صنعتي پارک، ګردېز ــ زرمت سړک، د امنيه قوماندانۍ ودانۍ او وارداتي برېښنا پروژې پرانيستې خو له دې ډلې يوازې وارداتي برېښنا ده، چې هغه هم د ډيزلي برېښنا درلودونکیو کورونو ته ورکړل شوې او د نورو پروژو چارې په ټپه ولاړې دي.
د ولايتي شورا مرستیال ایوب غروال وايي، د پروژو له پرانيستو شاوخوا یوه مياشت کیږي خو چارې نامعلوم برخليک سره مخ دي.
.jpg)
دی زیاتوي له بده مرغه پکتیا ولایت ته لا هم د پخواني سیستم مطابق امکانات ورکول کېږي.
مدني فعال جمال الدين اصيفخېل بيا ولايتي اداره تورنوي چې د پروژو په پرانيستو او بېځايه ژمنو خلک تېرباسي.
د پکتیا والي شمیم خان کټوازی ياد تورونه ردوي او وايي، د پروژ عملي کولو لهپاره امنيتي تدابیر نیول شوي چې د ګردېزــ زرمت سړک، مچلغو بند، صنعتي پارک، مامورينو ښارګوټی او د ځېنو نورو پروژو کارونه به نژدې راتلونکې کې پيل کړي.
پکتیا کې د سړې هوا له امله هر کال ډېرې پروژې نیمګړې پاتې کېږي او اوس هم خلک اندېښنه ښيي چې که د یادو پروژو چارې ژر پيل نهشي د تېر په څېر به دغه پروژې نیمګړې پاتې شي.
