د بالامرغاب ولسوالۍ د سقوط په دوام نن د بادغیس لسګونو تنو اوسېدونکیو او د ولایتي شورا غړیو دې ولایت ته د مرکزي حکومت د بېتوجهيۍ پر وړاندې اعتراض کړی او د ولایت مقام دروازه یې تړلې ده.
د بادغیس د ولایتي شورا غړی محمدناصر نظري وايي، د بالامرغاب امنیه قومانداني تازه د طالبانو تر ولکې لاندې راغلې او په کې مېشتو ځواکونو دې ولسوالۍ کې پوځي کنډک ته پناه وړې ده.
ښاغلی نظري خبرداری ورکوي چې د پوځ کنډک د طالبانو په محاصره کې دی او کهچېرې ژر تر ژره مرستندویه ځواکونه ور ونه رسېږي؛ ملياردو سرتېري به د طالبانو له لوري ووژل شي.
په ولسي جرګې کې د بادغیس د خلکو استازی ضیاالدین اکازی هم وايي، له تېرو دوو ورځو راهیسې بالامرغاب کې جګړه سخته شوې؛ خو هېڅ مرستندویه ځواک یادې ولسوالۍ ته نهدی ور استول شوی.
خو د بادغیس والي عبدالغفور ملکزی وايي، د هوايي ځواک په ملاتړ مرستهکوونکي ځواکونه بالامرغاب ولسوالۍ ته رسېدلي او هوايي بریدونو کې شاوخوا ۱۰۰ وسلهوال طالبان وژل شوي او ټپیان شويدي.
د بادغیس ولایت بالامرغاب ولسوالۍ پهداسې حال کې سقوط کوي چې تېره ماښام طالبانو د همدې ولایت په آبکمري ولسوالۍ برید وکړ او دا ولسوالۍ یې هم ونیوله.
د بادغیس دولایتي شورا د مرستیال عبدالله افضلي په خبره، طالبانو د آبکمري ولسوالۍ، امنیه قوماندانۍ او د پوځ د کنډک د ودانیو تر نیولو وروسته ټول پوځي تجهیزات له ځان سره وړي او ودانیو ته یې اور ورته کړیدی.
ورته مطالب:
