د امریکا د بهرنیو چارو وزارت د افغان ولسمشر محمداشرف غني د ملي امنیت مشاور حمدالله محب احضار کړی او هغه ته یې ویلي، پر زلمي خلیلزاد ـ چې د افغان سولې لهپاره امریکا ځانګړی استازی دی ـ تور پورې کول د امریکا پر بهرنیو چارو وزیر تور پورې کول دي.
ورته مطالب:
محب: له طالبانو سره سوله به د نړۍوال تروریزم د ختمېدو معنا ونهلري
د امریکا او طالبانو ترمنځ د دوو طرحو په اړه هوکړه
د سولې په خبرو کې ابهام او له ترهګرو سره د پاکستان اړیکې باید روښانه شي
ښاغلي محب له خبریالانو سره په خبرو کې پر زلمي خلیلزاد تور پورې کړی و چې ولسمشر محمداشرف غني څنډې ته کوي او د موقت حکومت جوړولو هڅه کوي.
د ملي امنیت مشاور په امریکا کې خبریالانو ته ویلي چې زلمی خلیلزاد د خپلې شخصي موخې لهپاره د موقت حکومت جوړول او د هغه په راس کې درېدل غواړي.
د امریکا د بهرنیو چارو وزارت د حمدالله محب دا خبرې تردیدوي او هغه یې د بهرنیو چارو وزارت ته ور احضار کړی او ورته ویلي یې دي چې هغه د امریکا د بهرنیو چارو وزارت ځانګړی استازی دی چې پر هغه برید په بهرنیو چارو وزیر برید ګڼل کېږي.
دې وزارت خبرداری ورکړیدی چې دا ډول څرګندونې د سولې خبرې اترې او د کابل ـ واشنګټن اړیکې له ستونزو سره مخولی شي.
لهدې مخکې هم په ښاغلي خلیلزاد باندې په غیر رسمي ډول د دې تورونه پورې شويوو چې له طالبانو سره یې د سولې خبرو اترو په تړاو پروژه اخېستې او ممکن دا خبرې یوازې د ده تر شخصي ګټو منحصرې پاتې شي.
