.jpg)
د قطر په پلازمېنې دوحه کې د امریکا او طالباستازیو ترمنځ د پنځمې دورې غونډه له ۱۶ ورځو خبرو اترو وروسته پرون ناوخته پای ته ورسېده.
د افغانستان د سولې لهپاره د امریکا ځانګړي استازي زلمي خلیلزاد په ټویټر لیکلي چې د دواړو لوريو له خوا له افغانستانه د امریکايي ځواکونو پر وتلو او له ترهګرۍ سره د مبارزې تضمین پر طرحو خبرې او توافق شویدی.
ښاغلي خلیزاد ویلي چې سولې ته د رسېدلو لهپاره باید په دوو نورو مواردو هم، یانې بینالافاني خبرو اترو او «هراړخیز اوربند» باندې توافق وشي.
خو طالبانو د یوې خبرپاڼې په خپرولو سره ویلي دي چې پهدې غونډې کې له افغانستانه د ټولو بهرنیو ځواکونو پر وتلو او د افغانستان خاوره د هېڅ هېواد پرضد د نه استعمال هوکړې شوېدي.
د خبرپاڼې په یو بل ځای کې راغلي، د بهرنیو ځواکونو د وتلو د جدول او د راتلونکي افغانستان په اړه په خبرو کې پرمختګ شوی.
طالبانو د لا ډېر پرمختګ لهپاره د فکر او له مشرانو سره د مشورو لهپاره خبرې اترې درولې دي.
طالبانو په خبرباڼه کې یاده کړېده چې د دې دور غونډې کې له «کابل ادارې» سره د اوربند او مذاکراتو د کولو په اړه هېڅ ډول پرېکړه نهده شوې او دا موضوعات په اجنډا کې نهوو.
په ورته وخت کې افغان حکومت د امریکا او طالباستازیو ترمنځ د خبرو اترو هرکلی کړیدی.
د ولسمشرۍ ماڼۍ ویاند هارون چخانسوري پهخپل ټویټر لیکلي، حکومت هیلهمن دی چې نږدې راتلونکي کې د اوربند اعلان او د بینالافغاني خبرو اترو زمینه برابره شي.
ورته مطالب:
قطر کې د افغان سولې خبرې جدي پړاو ته رسېدلې دي
محب: له طالبانو سره سوله به د نړۍوال تروریزم د ختمېدو معنا ونهلري
«د دې ضمانت نه منو چې افغانستان به د ترهګرو په ځاله نه بدلېږي»
