ټاکل شوې ده، د افغانستان ۱۶ کلنه فوټبال ملي لوبدله د بنګله دېش په کوربتوب په سویلي اسیا فوټبال جام سیالیو کې ګډون وکړي.
د افغانستان فوټبال فدراسیون له خوا خپره شوې خبرپاڼه کې راغلي، چې دغه سیالۍ به د روانې اګست میاشتې په ۹مه نېټه پیل شي.
د فوټبال ۱۶ کلنو ځوانانو دا درېیم پړاو د سویلي اسیا فوټبال ټورنمېنټ به د بنګله دېش په (سیلهیټ) ښار کې وشي.
د فوټبال فدراسیون خبرپاڼه لیکي، چې د ټورنمېنټ لپاره د لوبډلو لوبډلوېش یا پچه اچونه په کوربه هېواد بنګله دېش کې وشوه، چې له مخې به یې افغانستان په (بي) ګروپ کې ولوبېږي.
د لوبډلوېش له مخې به په دوهم ګروپ کې افغانستان روانه میاشت په لیګ لوبو کې له نیپال او مالدیف لوبډلو سره سیالۍ وکړي.
دغه راز د پچې اچونې په پایله کې د دې سیالیو لپاره په لومړي ګروپ کې هندوستان له سریلانکا او بنګله دېش لوبډلې یو بل سره مخامخ شوې.
ویل کېږي، چې د پاکستان او بوتان فوټبال لوبډلې د نامعلوم دلیل له کبله پدې سیالیو کې برخه نه شي اخیستلی.
د فوټبال اسیایي شورا د مهالوېش له مخې به د ټورنمېنټ او د افغانستان ۱۶ کلنې فوټبال ملي لوبډلې ټولې لوبې د افغانستان پر وخت د مازیګر ۳ نیمې بجې پیلېږي.
د ورکړل شوي مهالوېش له مخې به د سویلي اسیا په ۱۶ کلنو فوټبال ټورنمېنټ کې به افغانستان خپله لومړۍ لوبه د ټورنمېنټ په ۴ ورځ له مالدیف سره او وروستۍ لیګ لوبه به د اګست پر ۱۴ مه نېټه له نیپال ۱۶ کلنې فوټبال ملي لوبډلې سره وکړي.
د اسیایي شورا د پلان له مخې د هر ګروپ ۲ مخکښې لوبډلې به دویم پړاو (سیمي فاینل) پړاو ته لاره پیدا کوي، ورپسې به ۲ لوبډلې فاینل ته رسېږي او بیا به دغه سیالۍ د روانې اګست میاشتې په ۱۸ مه نېټه د اتلې لوبډلې په اعلان سره پاې ته ورسیږي.
