د ترکمنستان ولسمشر قربانقلي بيردي محمدوف نن سهار له خپلو لوړ پوړو چارواکو سره کابل ته راغی.
بيردي محمدوف د محمد اشرف غني سره له ليدو وروسته دواړو ولسمشرانو يوه خبري ناسته هم درلوده.
افغان ولسمشر محمد اشرف غني د خبري ناستې په ترڅ کې وویل، چې ترکمنستان د افغانستان پخوانی دوست پاتی شوی او دغه هېواد د سولې، ثبات او امنيت له پلوه په سیمه کې د يو ښه ګاونډي په توګه پېژني.
غني زیاته کړه، چې د افغانستان او ترکمنستان ترمنځ د ستونزو د حل په موخه ډيپلوماسۍ له لارې هڅې روانې دي، چې د دواړو هېوادونو ترمنځ د اقتصادي همکاريو له پاره لاره هواره شي.
غني وویل، چې افغانستان او ترکمنستان د همکارۍ او سولې سرحد لري.
د هېواد ولسمشر دا هم وویل، چې د افغانستان او ترکمنستان په هکله باید ځينې هېوادونه پوه شي، چې د دواړو ترمنځ په سيمه کې د همکاریو اساس قوي کوي.
په ورته وخت کې د ترکمنستان ولسمشر قربانقلي محمدوف د کنفرانس ګډونوالو ته وویل، چې له افغانستان سره د ترکمنستان مرستې د تل په څېر په بدلون کې دي او تل به په دې برخه کې د پرمختګ لپاره نوې هڅې کېږي.
د ترکمنستان د ولسمشر په وینا، هېواد یې اماده دی، چې د افغانستان د سولې له بهیر او د ستانبول له پروسې سره مرسته وکړي.
د محمدوف په خبره ترکمنستان به په افغانستان کې بې له لاسوهنو خپلې مرستې ولګوي او هېواد یې په دې باور دی، چې حالات او او مقرارت به د سیاسي او ډيپلوماتیکو کانالونو له خوا حل شي.
د ترکمنستان ولسمشر د سولې په اړه د خبرو اترو په برخه تاکيد وکړ او ویې ویل، چې کولی شي د ملګرو ملتونو په مرسته په دغه بهیر کې شامل شي.
د یاد هېواد ولسمشر زیاته کړه، چې ترکمنستان له افغانستان سره د نشه يي توکو پر ضد مبارزه کې هر ډول همکارۍ ته تیار دی.
ترکمنستان هغه هېواد دی، چې له تېرو دوو لسیزو راهیسې په افغانستان کې د سولې د راتګ لپاره هلې ځلې کوي.
له دې وړاندې په ۱۳۸۹ لمریز کال په پسرلي کې د چمتو والي اعلان کړی و، چې د افغانستان د سولې د خبرو اترو په زمینه سازۍ کې مرسته کوي.
