.JPG)
سکیز ییل آلدین کابل سرینا هوتلی‌ده یوزبیرگن خودکش هجوم نتیجه‌سیده راست آیاغی‌نی تیزه‌سی یره‌لنگن و 20 کون آلدین یره‌سی آغیرلیگی باعث، آیاغی داکترلر تامانیدن کسیلگن.
38 یاشر احمدحیکم، کسلخانه‌نی رنگی فیروزه‌یی افلاس کییمی‌نی کییب، رنگی اوچیب، امیدسیزلیک‌دن لب‌لری قوریب، وزیر محمداکبرخان کسلخانه‌سی‌نینگ تختی‌نی اوستیگه یاتگن.
احمدحیکم‌نینگ ایتیشیچه، اوزیمیز باریب داکترنی کسل کورسه‌تیش اوچون آلیب کیلمه‌سک، اوزلری کیلمه‌یدی. کسل کورسه‌تیش اوچون بیر داکترنی کینی‌دن 20 مرته باریشیمیز کیره‌ک».
اونینگ ایتیشیچه، اوشبو کسلخانه‌ده یوز کسل‌نی کوریش اوچون، بیر داکتر تعیین قیلینه‌دی و اولرگه یخشی آوقت هم بیرمه‌یدی. اونگه کوره، بو کسلخانه دولتی دییله‌دی و اولر داکترنینگ فیسی‌دن باشقه برچه نرسه‌گه پول توله‌یدی.
.JPG)
احمدحکیم یاتقیزیلگن اتاق‌ده، باشقه سویک «اورتوپیدی» کسل‌لیگی‌گه چالینگن 8 کسل یاتقیزیلگن.
اونینگ تختی‌نی روپه‌ره‌سیده بیر کیکسه ایرکک یاتگن و اونینگ ایتیشیچه، عایله‌سی غزنی ده و اوزی کابل‌گه ایش قیلیش اوچون کیلگن ایکن.
آتی‌نی توتمه‌یدی؛ بیراق او هم احمدحکیم دیک، مذکور کسلخانه داکترلری و ارایه ایتگن خذمت‌لریدن شکایت قیله‌دی: «23 کوندن بیری یاتگن من. ایاغیم مردم‌گه ایشلب یورگنیم‌ده سیندی؛ بیراق، بو ییرده هم خصوصی کسلخانه‌لردیک، داکترلری کسل‌لرگه قره‌مه‌یدی».
اوشبو کسل‌لرنینگ ایتیشیچه، اولر مجبورلیک و کم بغل‌لیک باعث، دولتی کسلخانه‌لرگه مراجعت قیله‌دی و اولر دولت‌دن یخشی خذمت‌لر ارایه ایتیلیشینی سوره‌یدی.
.JPG)
بیراق، وزیر محمداکبرخان کسلخانه‌سی باشلیغی داکتر سیدالهام‌نینگ، سلام‌وطندارگه ایتیشیچه، اوشبو کسلخانه دارو کم‌لیگی‌گه روپه‌ره و اولر کسل‌لرنینگ برچه ایسته‌گینی بجا کیلتیره‌آلمه‌یدی. اونگه کوره، مذکور کسلخانه افغانستان بویلب اورتوپیدی بولیمی‌گه ایشله‌یدی و کونده کمیده 600 کسل اونگه مراجعت قیله‌دی.
جناب الهام‌نینگ ایتیشیچه، وزیر اکبرخان کسلخانه‌سیده 400 ایشچی موجود و بو جمله‌دن 125 ته‌سی داکتر دیر. او، بونچه ایشچی‌نی ییترلی بیلمه‌ی ایتیشیچه، ساغلیک وزیرلیگی، اوشبو کسلخانه تشکیلاتی، اینیقسه داکترلر رقمی‌نی کوپه‌یتیریشی کیره‌ک.
وزیر اکبرخان کسلخانه‌سی باشلیغی‌نینگ ایتیشیچه، اولرگه جاری ییل اوچون 50 میلیون افغانی نیاز ایکن؛ بیراق اوشبو جمله‌دن یالغیز 18 میلیون افغانی اولرگه بیریلگن.
الهام‌نینگ ایتیشیچه، اولر 24 ساعت‌ده بیر کسل و همراه‌سی‌نینگ آوقتی‌گه 50 افغانی کوزگه توتگن ایکن؛ بیراق حاضر 30 افغانی‌گه کمه‌یگن و هیچ قچان ییتیشمه‌یدی.
