نورستان ولایتینینگ محلی رسمیلری، اوشبو ولایتنینگ وانتوایگل تومنی اوستیگه طالبلر هجوم قیلگنیدن خبر بیرهدیلر. اولرنینگ ایتیشیچه، بوگون ایرتهلب ساعت 9 اطرافیده نورستاننینگ باشقه تومنلریدن کیلگن کمیده 2500 طالب بیر ییرده توپلهنیب وانتوایگل تومنی اوستیگه هجوم قیلگنلر.
سلاموطندار بیلن تلیفون علاقه قورگن وانتوایگل ولسوالی رحمتالله رحمتینینگ ایتیشیچه، مذکور تومنگه یاردمچی کوچ ییتیشیب و طالبلرنینگ هجومینی آرقهگه اورگنلر. بیراق حاضرگچه آتیشمه دوام ایتماقده.
جناب رحمتینینگ ایتیشیچه، حاضرگهقدر 30 طالب هلاک و باشقه بیرقطاری یرهلنگن. اونگه کوره، بو آتیشمهلرده بیر عسکر هم جان بیرگن و باشقه 5 عسکر یرهلنگن.
شونینگدیک، سلاموطندارگه صحبت بیرگن وانتوایگل تومنی یشاوچیلریدن بیرقطارینینگ ایتیشیچه، بوگون ایرتهلب قوراللی طالبلر مذکور تومننینگ اوستیگه هجوم قیلگنلر. اولرگه کوره، قوراللی طالبلر وانتوایگلنی کنر ولایتیگه باغلهیدیگن بیر کوپریکنی پارتلهتیب و بو تومننی قورشاوگه آلیش اوچون سعی و حرکت قیلهدیلر. لیکن امنیتی کوچلرنینگ قرشیلیگیگه روپهره بولگنلر.
طالبلر حاضرگچه بو توغریده میدیاگه هیچ نرسه دیمهگن.
