باش قاره‌لاوچلیک سوزلاوچیسی جمشید رسولی بیلن اوچره‌شیش بهانه‌سیگه مذکور ریاست‌گه باردیم. جناب رسولی می‌نینگ 10 مترلیک اتاققه بویوردی؛ مذکور اتاق ده آزمه-کوپ 20 کیشی دوسیه‌لری تیکشیریلیشی‌نی کورتیب تورگن ایکن.
مملکت باش قاره‌لاوچیسی فرید حمیدی، اتاق‌نی باشیده اولتیریب صبر و چیدم بیلن اهالی‌نینگ عریضه‌لرینی ایشیتردی. اهالی هم قیین‌چیلیک‌لرینی بیر-بیرته بیان ایتردی و بیر جمله‌نی نیچه مرته تکرار قیلردیلر و تکرار قیلیش‌لریدن مقصد باش قاره‌لاوچی ایستک‌لرینی یخشی بیر شکلده بیلیشی ایدی.
شونده‌ی بیرحالده، کیکسه بیر عیال قولیده عریضه‌سی اتاققه کیردی و توتیلگن سیسی بیلن گذر وکیلی اولتیره‌دیگن اویی‌نی زوردن غصب قیلگنی و اونینگ اویدن چیقارگنینی ایتدی. باشقه بیر کیکسه کیشی قولی بیلن سقالی‌نی سیپَه‌لب قتل ایتیلگن اوغلی‌نینگ دوسیه‌سی نیچه ییل‌دن بویان آچیقلنمه‌گنیدن شکایت قیلدی.
بیر ساعت جریانیده اهالی قیین‌چیلیگی قنچه‌لیک کوپ بولگنینی بیلدیم؛ قنچه دوسیه توپلنگن و بو دوسیه‌لر بوتونله‌ی تیکشیریلیشی اوچون قنچه‌لیک صبر و چیدم کیره‌کلیگی‌نی سیزدیم.
جناب حمیدی‌نینگ دفتریدن چیقگنیم‌دن سونگ، دوسیه‌لری تیکشیریلیشی اوچون باش قاره‌لاوچیلیک‌که مراجعت قیلگن نیچه کیشی بیلن سوزلشدیم. مراجعت قیلگن‌لر باش قاره‌لاوچی تامانیدن دوسیه‌لری تیکشیریلیشی‌نی خوش قرشی‌لیدی. اولرنینگ ایتیشیچه، بیرینچی مرته کیم، دولت بلند مرتبه‌لی رسمی‌لریدن بیری اهالی قیین‌چیلیک‌لرینی ایرکین و آچیق شکلده بیان قیلیش اوچون فرصت بیره‌دی.
جناب حمیدی تامانیدن اوغلی‌نینگ قوییب یوباریلیش حکمی‌نی قولگه کیریتگن کیکسه کیشی سید مولاشاه‌نینگ ایتیشیچه، یاشی کمیده 60 ده دیر، بیراق بوتون عمریده دولت بلند مرتبه‌لی رسمی‌لریدن بیرینی بونده‌ی یقیندن کورمه‌گن.
باش قاره‌لاوچیلیک سوزلاوچیسی جمشید رسولی‌نینگ ایتیشیچه، مملکت باش قاره‌لاوچیسی دوشنبه کونلرینی اهالی قیین‌چیلیک‌لرینی ایشیتیش اوچون اختصاص بیرگن. جناب حمیدی دوشنبه کونلریده 150 کیشی بیلن اوچره‌شه‌دی و اهالی‌نینگ عریضه‌لرینی کوریب چیقیش کیچه ساعت 10 گچه دوام تارته‌دی.
باش قاره‌لاوچیلیک سوزلاوچیسی‌نینگ ایشانچی گه کوره، دوشنبه کونلریده اهالی قیین‌چیلیک‌لرینی ایشیتیش باعث، باش قاره‌لاوچی اداره‌لرده بولگن کَم‌چیلیک‌لرنی تاپیب و اهالی عریضه‌لرینی کوریب چیقیش لایحه‌نی چقانلشتیرگن. شو یوزه‌دن باش قاره‌لاوچی دوشنبه کونلریده 6 مینگ‌دن آرتیق دوسیه‌نی تیکشیریب و حکم صادر قیلگن.
باش قاره‌لاوچیلیک‌نی تَرک قیلگنیم‌دن سونگ، بوتون دولتی رسمی‌لر ایش زمانلریدن بیر کون‌نی یشاوچیلر اوچون اجره‌تگن صورتده، اهالی دردی و قیین‌چیلیک‌لریدن کوپ و یخشی آگاه بولیش‌لرینی توشوندیم.
