کابل-شمال قتناو یولینینگ قطار هیداوچیلری و یولاوچیلری اوشبو قتناو یولیده قوراللی اوغیرلاوچیلیک کوپهیگنیدن تنقید قیلگنلر. اولرنینگ ایتیشیچه، کوپراغ اوغیرلاوچیلیک کیچه تاماندن صورت تاپهدی.
کابل-شمال قتناو یولینینگ هیداوچیلری و یولاوچیلرینینگ کوپهیتیریشیچه، اوشبو یولده امنیتی کوچلر و قوراللی طالبلر آرهسیده یوز بیرهدیگن آتیشمه، یولاوچیلر امواللرینی اوغیرلش اوچون اوغریلرگه زمینه یرهتگن.
کابل-شمال قتناو یولینینگ هیداوچیلریدن قدوس و صفا نینگ سلاموطندارگه ایتیشیچه، قوراللی اوغریلر موترلرنی توختهتیب یولاوچیلر و هیداوچیلرنینگ پول و تللفونلرینی آلهدی.
اولر امنیتی مسووللردن مملکت قتناو یوللرینینگ خوفسیزلیگینی تامینلش اوچون سعی و حرکت قیلیشینی سورهیدیلر. یولاوچیلردن بیرقطاری کابل-شمال قتناو یولیده قوراللی اوغیرلاوچیلیک بولگنیدن خواطر بیلدیرهدیلر.
کابل-شمال قتناو یولینینگ یولاوچیلریدن بیری عبدالرقیب ابراهیمی نینگ ایتیشیچه، نیچه پیت آلدین قندوز-بدخشان قتناو یولیده قوراللی اوغریلر موترلرینی توختهتیب بار پولینی آلگن.
جناب ابراهیمیگه کوره، اوغریلر 10 کیشی ایدی و 5 کیشیسی یولاوچیلرنی تیکشیرهریدی و باشقه 5 کیشیسی نینگ قوللریگه قورالی بار ایدی.
ایچکی ایشلر وزیرلیگینینگ سوزلاوچیلیک دفترینی سرپرستی نصرت رحیمی نینگ ایتیشیچه، کابل-شمال یولاوچیلری و هیداوچیلرینینگ شکایتلری جدی صورتده تیکشیریلهدی.
