.jpg)
بامیان-کابل قتناو یولی بوران و قتیق قار یاغیشی باعث کوتل حاجیگک منطقهسیدن باغلندی.
سلاموطندارگه صحبت بیرگن بامیان ولایتینینگ فواید عامه ریاستی سرپرستی غلامنبی قنبرینینگ ایتیشیچه، اوتگن کون ساعت 6 دن بویان بوران و قتیق قار یاغیش باعث ورس و پنجاب ولایتلرینی بامیان مرکزی و غور، دایکندی و کابل گه وصل قیلهدیگن کابل-بامیان قتناو یولی حاجیگک کوتلی منطقهسیدن و یکاولنگ-پنجاب قتناو یولی شاتو کوتلی آرقلی ترافیک یوزیگه باغلنگن.
اونگه کوره، یولاوچیلرنینگ 3 موتری شاتو کوتلیده بند قالگن و اولرنینگ نجات بیریب و قتناو یول آچیلیشی توغریسیده سعی و حرکتلرنی دوامی بار.
شونینگدیک دایکندی فواید عامه ریاستی مسئولرینینگ ایتیشلریچه، اوشبو ولایت گه بوران و قار یاغیش باعث کابل-دایکندی قتناو یولی قوناق کوتلیده ترافیک یوزیگه باغلنگن و قطار یولاوچیلر قار و بوران گه بند قالگنلر.
دایکندی فواید عامه ریاستی باشلیغی خداداد سیرتنینگ سلاموطندارگه ایتیشیچه، اوشبو ولایتنینگ قتناو یوللرینی آچیش اوچون سعی و حرکتلر باشلنگن.
.jpg)
قوناق کوتلیده بوران و قار گه بند قالگن یولاوچیلردن اسحاق علینینگ سلاموطندارگه ایتیشیچه، بیر موترنینگ یولاوچیلری بیلن بیر جسدنینگ کابل گه انتقال بیریش اوچون قرار قیلگن ایکنلر بیراق بوگون ایرتهلب ساعت 4 دن بویان اوشبو منطقهده بند قالگنلر.
مذکور ولایتلرنینگ فواید عامه ریاستی مسئولرینینگ ایتیشلریچه، بوران و قاریاغیش کیلهسی 24 ساعت گچه دوام تارتهدی و هر قندی بوران و قار کوچیش نی احتمالی بار. اولر هیداوچیلر و یولاوچیلردن سفر جریانیده خوفسیزلیک قاعدهلرنی مراعات ایتیشلرینی سورهگنلر.
