افغانستان جمهورلیک ریاستی نینگ بیرینچی اورین باسری، مملکت شمالی‌ده ناتینچلیک‌لر کینگه‌ییشی برابریده بلخ ده جایلشگن 209 شاهین قول اردو قومندانی نینگ بی‌فرق یانده‌شیش گه عیب‌له‌دی.
جوزجان ولایتی گه سفر قیلگن جمهورلیک ریاستی بیرینچی اورین باسری جنرال عبدالرشید دوستم نینگ مذکور ولایت یشاوچی‌لری، دین عالم‌لری و قوم بویوک‌لری حضوریده ایتیشیچه، جوزجان، فاریاب، سرپل و بلخ ولایت‌لریده کونساین ناتینچلیک‌لر کینگه‌یماقده و 209 شاهین قول اردو قومندانی مملکت شمالی قسمت‌لریده خوفسیزلیک نی تأمین‌لش ده کوچسیز دیر.
شبرغان شهریده جایلشگن ملت قصریده نطق سوزله‌گن جناب دوستم نینگ ایتیشیچه، «بو ناتینچلیک‌لرنی اصلی سببی بلخ ده جایلشگن 209 شاهین قول اردو قومندانی دیر و اونینگ حضوری وضعیت نی یامان قیله‌دی و بونده‌ی کیشی‌لر محکمه قیلینیشی کیره‌ک.»
جمهورلیک ریاستی بیرینچی اورین باسری آگاه‌لنتیریب ایتیشیچه، «بوندن آرتیق اوروش میدانلریده امنیتی کوچلرنینگ قانلری توکیلیشی و اولر قمراوده قالیشی قبول قیلینمس دیر و 209 شاهین قول اردو قومندانی نینگ «پول اوغیرلش دن باشقه ایشی یوق دیر.»
جمهورلیک ریاستی بیرینچی اورین باسری نینگ بو بیاناتلری توغریسیده 209 شاهین قول اردو قومندانی و ملی مدافعه وزیرلیگی نینگ فکرلرینی اورگنیش اوچون علاقه قوردیک، بیراق فکرلرینی آلیش گه مؤفق بولمه‌دیک.
.jpg 3.jpg r.jpg)
جناب دوستم نینگ ایتیشیچه، جوزجان، سرپل و فاریاب ولایت‌لریده نیچه حربی عملیات یولگه قوییب خوفسیزلیک‌نی تأمین قیلگن ایدی، بیراق رسمی‌لرنینگ دقت‌سیزلیگی و یخشی بیر شکلده رهبرلیک قیلینمه‌گنی باعث، حاضر مذکور ولایت‌لرنینگ تومن‌لریدن بیرقطاری نی قتناو یوللری مرکزلری بیلن کیسیلگن.
جنرال دوستم نینگ کوپه‌یتیریشیچه، جوزجان، فاریاب، سرپل و بلخ ولایت‌لرینی خوفسیزلیک، قورغاقچیلیک و باشقه بیرقطار قیین‌چیلیک‌لرینی جمهور رئیس بیلن شریک قیله‌دی و ایجابی جواب آلمه‌گن صورتده، بو توغریده «اهالی بیلن قرار آله‌دی.»
جمهور رئیس بیرینچی اورین باسری نینگ اورغولشیچه، بوندن سونگ جوزجانده سوءاستعمال قیلیش، پاره خورلیک، تالان قیلیش، آدم اوغیرلاوچیلیک و طالب‌لردن طرفدارلیک قیلیش کیچیریلمه‌یدی و بو واقعه‌لرنی عامل‌لری قولگه آلینیشی کیره‌ک.
اوشبو ییغین اداغیده جناب دوستم طرفدارلریدن جمهورلیک ریاستی سیلاویده اشتراک قیلیش اوچون کیم‌لیک آلیب و سیلاوده فعال شکلده اشتراک قیلیش‌لرینی ایسته‌دی.
