جمهور رییس بیرینچی اورین باسری جنرال عبدالرشید دوستم‌گه کوره، کندز ولایتی مملکت شمالی‌ده قورال‌لی طالبلر فعالیت‌لری اوچون مرکز بولگن.
جناب دوستم، قورال‌لی طالب‌لرگه قرشی کوره‌شیش خصوصیده مملکت شمالی فاریاب و سرپل ولایت‌لریگه بارگن ایدی، دوشنبه کون کابل تامان قیته‌دیگن چاغیده بغلان‌ده توخته‌ب ایتیشیچه، بغلان طالب‌لری کندز طالب‌لری تامانیدن جهازله‌نیب و حمایه بوله‌دی، اونینگ کوپه‌یتیریشیچه، بو مرکزنی تیزلیکده اورته‌دن آلیب کیتیش خصوصیده سعی و حرکت قیله‌دی.
شونینگ‌دیک جناب دوستم‌نینگ ایتیشیچه، حاضر کندزده‌گی جنگری طالبلر ایچیده اوزبیکستان‌لیک، چیچین‌لیک و پاکستان‌لیک جنگری گروه‌لرگه تیگیشلی جنگری‌لر حضور تاپگن.
جمهور رییس بیرینچی اورین باسری بغلان ولایتی‌نینگ محلی رسمی‌لری اورته‌سیده سوزگه چیقیب، مذکور ولایت طالب‌لری‌نی آگاه‌لنتیریشیچه، تسلیم بولمه‌ی و اوروشدن قول تارتمه‌گن صورتده، هلاک ایتیلیش‌لری ممکن.
مذکور ولایت، ولایتی کینگش باشلیغی صفدر محسنی، جنرال دوستم بیلن اوچره‌شیب، بغلان امنیتی توغری‌سیده دقت قیلیشینی سوره‌دی. محسنی‌نینگ آگاه‌لنتیریشیچه، بغلان امنیتی توغری‌سیده دقت قیلینمه‌گن صورتده، بو ولایت شمال‌ده جنگری‌لر مرکزی‌گه اوزگریشی ممکن.
شونینگ‌دیک، بغلان رسمی‌لری، بو ولایت اوچون عملیاتی کندک یوباریلیشینی سوره‌دی. اولرگه کوره، حاضرگی کونلرده دندغوری و دهنه‌غوری تومنی امنیتی کوچلری‌گه هیچ قنقه یاردم بیریلمه‌یدی.
فاریاب‌ده قورال‌لی طالب‌لرنینگ کینگ هجوم‌لری باعث، جمهور رییس بیرینچی اورین باسری اوروشنی رهبرلیک قیلیش اوچون شمال باردی و بو ناتینچ‌لیک‌لر سبب، جناب دوستم، بلخ ولایتی سرپرستی عطامحمد نور بیلن بیرلشدی.
شونینگ‌دیک جناب نور، انچه پیت آلدین بیرگن بیانات‌لریده جناب دوستم بیلن بیرلشیشی‌نی افغانستان خلقی‌نینگ ارزش‌لری، عزتی، مالی و جانی‌دن دفاع قیلیش دیدی.
