یکشنبه کونی ملی بیرگهلیک حکومت ینگی کابینهسی نینگ سیکیز وزیر آنت مراسمی بولیب اوتدی. افغانستان جمهوری ریاستیدن ترقه تیلگن اعلامیهده تشقی ایشلر وزیری صلاحالدین ربانی، مالیه وزیری اکلیل حکیمی، ایچکی ایشلر وزیری نورالحق علومی، عامه ساغلیک وزیری فیروزالدین فیروز، کانلر و ییریاغی وزیری داوودشاه صباه، حج و اوقاف وزیری فیض محمد عثمانی، قاچقینلر وزیری سید حسین عالیمی بلخی و قیشلاقلر یوکسه تیش وزیری انجنیر نصیر احمد درانی، لر، جمهور رییس و اجرایی رییس بارلیگیده آنت مراسمینی اوتکزگنلری ایتیلگن.
بو ارگده بولیب اوتگن آنت مراسمیده جمهور رییس و اجرایی رییس یانیده، جمهور رییس ایکینچی اورین باسری محمد سرور دانش، یخشی حکومتدارلیک اوچون جمهور رییس ویژه نماینده سی احمد ضیا مسعود، اجرایی ریاست اورین باسرلری انجنیر محمد خان و محمد محقق، لر، هم قتنشگن ایدیلر.
ینگی وزیرلر اسلام مقدس دینی نینگ حکومی، افغانستان اساسی قانونی و باشقه قانونلرنی کوزگه تویب، اولکه یشاوچیلری نینگ حقلرینی اسرهب، ایشیمیزنی یخشی لیک بیلن آلغه آلیب باره میز دیب، آنت مراسمی نینگ اوتکزدیلر.
اوتگن هفته چهارشنبه کونی ملی امنیت عمومی ریاستی نینگ نامزدلیک باشلیغی بیلن نامزد وزیرلردن سیکیزته سی ملی کینگش تامانیدن ایشانچ آوازینی قولگه کیلتیرگن ایدیلر. ایتیلیشیچه جمهور رییس و اجرایی رییس کیلیشیک قیلگن صورتده، اشرف غنی کینگاش اعضاسینی قالگن نامزد وزیرلرگه ایشانچ آوازی بیریشلری اوچون تیله تیشی ممکن. انه شو پیتده ملی کینگش اعضاسی قیشلیک تعطیلاتده کیتگنلر.
دیمک کینگش اعضاسی هم قالگن نامزد وزیرلر معرفی بولیش صورتده، اولرگه ایشانچ آوازی بیریش اوچون پارلمانده کیلیشلرینی ایتگنلر.
ینگی وزیرلر ایشگه باشلهشلری بیلن وزارتخانه لردن 8 ته سی نینگ سرپرستلیک ایشی، اداغیگه ایریشدی.
