په جوزجان کې نن د ترکمن قوم لسګونو اوسېدونکو په اعتراضیه لاریون کې وايي چې د ولسمشرۍ لومړی مرستیال جنرال عبدالرشید دوستم او د جوزجان والي مولوي لطفالله عزیزي د جوزجان د ولایت مقام د مرستیال په توګه د عبدالقادر مالیه د معرفي کولو مخنیوی کوي.
د دوی په خبره، د ترکمن ملیت حقونه پهدې ولایت کې تر پښو لاندې شوي او د ولسمشرۍ فرمان ـ چې د قانون اړوند دی ـ پهدې ولایت کې اعتبار نهلري.
ورته مطالب:
لاریون کوونکي: پر دوستم د تورونو لړۍ بنده کړئ
ولسي جرګې هم هېواد ته د دوستم د راتګ هرکلی وکړ
د معترضینو استازی جوره پهلوان وايي، که دوستم او والي د دې کار له مخنیوي وانهاوړي؛ ټولې لارې به وتړي او هم به په بل هر اقدام لاس پورې کړي.
بل لورته د جوزجان سلګونه اوسېدونکي په اعتراضیه غونډه کې ګواښ کوي چې عبدالقادر مالیه د جوزجان د مرستیال والي په توګه نه مني او د هغه په وړاندې ودرېږي.
د دوی په خبره، ښاغلی مالیه د ارګ له لوري د ټاکنیز کمپاین د پر مخ وړلو لهپاره د ولسمشرۍ ماڼۍ له لوري ګومارل شویدی.
دوی زیاتوي، جنرال دوستم د ولسمشر د مرستیال په توګه د دولتي کارکوونکیو د ادلون ـ بدلون حق لري.
د جوزجان امنیه قوماندان فقیرمحمد جوزجاني وايي چې د جوزجان د والي مرستیال معرفي په پار هیڅ ستونزه نهشته او پولیس د قانون د پلي کولو لهپاره چمتو دي.
پهدې اړمو د ملي جنبش ګوند د ویاند او د جوزجان والي نظر اخېستلو هڅه وکړه؛ خو له پرلهپسې اړیکو وروسته بیا هم بریالي نهشو.
