.jpg)
جوزجان ولایتینینگ درزاب تومنیدن بدرغه بولگن خانهدان اقتصادلری یمانلیگیدن خواطر بیلدیریب، بدرغه بولگنلرگه باشپناه و ییگولیک آذوقهسیگه جدی نیاز تاپگنلیکلرینی تیلگه آلگن.
بو خانهدانلرنینگ آگاهلنتیریب، تیزلیکده حکومت درزابدن بدرغه بولگنلرگه یاردم قیلمهگن صورتده انسانی فاجعه روی بیریشی ممکن دیگنلر.
بدرغه بولگنلردن صوفی جبارنینگ ایتیشیچه،اقتصادی وضعیتلری یمان بولگنی سبب ایریم خانهدان بالهلرینی ساتیشگه مجبور بولگن.
اونینگ ایتیشیچه، اوتگن کون بدرغه بولگن خانهدانلردن بیری ۶ کونلیک بالهسینی ۳۷ مینگ افغانیگه ساتگن و بوگون اون، برنج و باشقه کیرهکلی نرسهلرینی ساتیب آلگن.
.jpg)
بدرغه بولگنلردن باشقه بیری ابراهیمنینگ ایتیشیچه، بدرغه بولگنلرنینگ وضعیتلری یمان و حکومت تیزلیکده بولرگه توجه قیلیشی لازم.
جوزجان ولایتی درزاب تومنینینگ سرپرستی بازمحمد داورنینگ سلاموطندارگه سونگی اوروشلردن مینگلرچه خانهدان درزاب تومنیدن بدرغه بولگنلیکلرینی تأیید قیلیب انسانسیورلیک یاردم بولمهگن صورتده فاجعه کیلیشینی تیلگه آلهدی.
جناب داور بدرغه بولگنلر وضعیتیدن خواطر بیلدیریب، یاردم بولمهگن صورتده کوپچیلیک انسان اولیشیگه شاهد بولهمیز دیگن.
جوزجان والیسینینگ اورین باسری عبدالرحمان محمودینینگ ایتیشچه، بدرغه بولگنلرگه یاردم ایتیکیش خصوصیده قیینچیلیکلر بار، اما تیزلیکده بدرغه بولگن خانهدانلرنی رویخطگه آلیب اولرگه ییگولیک آذوقه و باش پناه بیریلیشی ممکن.
جوزجان قاچقینلر ریاست رسمیلری هم ولایتده روی بیرگن سونگی اوروشلردن بدرغه بولگنلرنی رویخطگه آلیب اولرگه یاردم بیریشنی تیلگه آلگن.
