د افغانستان کرکټ بورډ عمومي مشر(چیرمین) نسیم الله دانش وایي، چې د انګلستان هیواد ته یې سفر د لاسته راوړنو ډک دی.
د دانش په وینا، سبا د روانې جون میاشتې په ۱۸ مه نیټه بېرته د انګلستان له سفر څخه افغانستان ته ستنیږي او د هیواد د کرکټ د پرمختګ له پاره ښه خبرونه له ځان سره راوړي.
د کرکټ بورډ مشر زیاته کړه، چې انګلستان ته یې کامیابه سفردرلود او هیواد ته په ستنیدو به انګلستان ته د خپل سفرپه اړه به ټول افغان کرکټ مینه وال د سفر په اړه د خپلو پوښتنو ځوابونه ترلاسه کړي.
د یادونې وړ ده، چې نسیم الله دانش د یوې اوونۍ راپدیخوا د انګلستان پلازمینې (لندن) ته تللی، خو افغان کرکټ بورډ تراوسه د خپل مشر سفر د موخې او لاسته راوړنو په اړه په رسمي توګه څه نه دي ویلي.
پخپله دانش هم تر اوسه په دې اړه څه نه دي ویلي، چې د انګلستان په سفر کې يې د هېواد د کرکټ د پرمختګ له پاره له کومو انګلستاني یا نورو هېوادونو کرکټ چارواکو سره کتلي او د ده په وينا څه زیری له ځانه سره لري.
یاده دې وي، چې دانش د انګلستان په دې سفر کې د کرکټ تاریخي کرکټ نړېوال لوبغالي (لارډز) څخه هم لیدنه کړې ده.
همدې لارډز لوبغالي ته تېره میاشت د افغانستان کرکټ ملي لوبډله هم د انګلستان د تمریناتي کمپ پرمهال ور بلل شوې وه.
