د ولسمشرۍ دویم مرستیال سرور دانش نن په کابل پوهنتون کې له (افراطیت سره مبارزه او د سولې لرلید) تر سرلیک لاندې غونډې ته وویل چې افغانستان د لنډمهالې او منځ مهالې ادارې لابراتوار نه دی او هر بدلون باید د اساسي قانون په اډانه کې رامنځته شي.
د ښاغلي دانش په وینا، طالب ډله د افغانستان پرمختګونو د لیدو توان نهلري او په همدې دلیل د پلمو په مطرح کولو ـ چې اساسي قانون ستونزې لري او یا د بهرنیانو موجودیت نه غواړي ـ سوله وکړي.
ورته مطالب:
سرور دانش: د سولې په خبرو کې اساسي قانون زموږ سره کرښه ده
سرور دانش: په فساد ککړ پوهنیز نظام د هېواد په ګټه نه دی
سرور دانش: ځېنو دولتي بنسټونو جفا کړېده
د ولسمشرۍ دویم مرستیال زیاتوي، کوم کسان یا ډلې چې د طالبانو لهدې غوښتنو سره همغږي دي؛ د هېواد ملي ارزښتونه تر پښو لاندې راولي. د ده په خبره، افغانستان د موقت او انتقالي حکومت لابراتوار نهدی.
د ولسمشر دویم مرستیال سرور دانش زیاتوي، ځانګړي کسان باید د وطنوالو له پتې د افغانستان راتلونکې تته نهکړي او هر ډول هوکړه باید د نظام، اوسني جوړښت او د هېواد اساسي قانون په اډانه کې تنظیم شي.
ښاغلی دانش د سولې خبرو ته په نغوتې سره وایي، سوله یوازې مامله نهده او باید تلپاتې وي چې د وطنوالو ارزښتونه خوندي شي.
د ولسمشر دویم د مرستیال په خبره، افغانانو د بن غونډه کې حضور نهلرلو؛ خو نن وطنوال د هرڅه خاوندان دي.
د دې غونډې ګډونوال ټینګار کوي چې د سولې خبرې باید د افغانستان دولت په مالکیت مخته یووړل شي.
ولسمشر محمد اشرف غني تر دې وروسته هم پر تل پاتې سولې ټینګار کړی او له بهرنیانو او کورنیو سیاسي څېرو سره د طالبانو هرډول خبرې غیراجرایي ګڼلې وې او ویلي یې وو چې د لږکیو له لوري سوله نتیجې ته نه رسېږي.
