آمریکا تشقی ایشلر وزیرلیگی تامانیدن تروریست‌لر فعالیتی خصوصیده ترقه‌تیلگن ییل‌لیک گزارشیگه کوره، داعش و حقانی ترماغی افغانستان و دنیا اوچون جدی تهدید دیر.
آمریکا تشقی ایشلر وزیرلیگی نینگ گزارشیده کوپه‌یتیریلیشیچه، داعش گروهی 2018- ییلده افغانستانده فعال ایدی، بیراق چیت‌ایللیک و افغانستان امنیتی کوچلری تامانیدن اویوشتیریلگن عملیات‌لر اولرنینگ فعالیتی‌گه توسیق بولگن ایدی.
اوشبو گزارشده ایران تروریستی گروه‌لر حمایتچی‌لریدن بیری بولگنی ایتیلگن و اوشبو مملکت تروریستی گروه‌لردن حمیات قیلیش اوچون ییلده بیر میلیارد دالر هزینه قیله‌دی.
گزارشده کوپه‌یتیریلیشیچه، پاکستان تروریست‌لر مرکزلرینی نابود قیلیش و اولرنینگ تمویل ایتیلیشی‌گه توسیق بولیش اوچون جدی شکلده حرکت قیلمه‌گن و تروریست‌لر گاه‌گاهی اوشبو مملکت توپراغیدن افغانستان و هندوستانی هجوم آستیگه قرار بیره‌دی.
ایران و پاکستان مملکت‌لری نینگ ییریک مقام‌لری هردایم بونده‌ی ادعالرنی رد قیلگن.
عین‌حالده، فاریاب، تخار، سرپل، جوزجان و کنر ولایت‌لری نینگ محلی مسووللری، مذکور ولایت‌لرده داعش فعالیتی کینگی‌گنیدن خواطر بیلدیرگنلر.
سرپل و جوزجان یشاوچی‌لری نینگ ایتیشیچه، داعش گروهی اوشبو ولایت‌لرده جنگری جذب قیلماقده و بو گروه نینگ چیت‌ایللیک اعضالری هم مذکور ولایت‌لرده فعالیت قیله‌دی.
جوزجان پولیس قومندانی عبدالواحد وجدان نینگ ایتیشیچه، طاهر یولداش نینگ ایناغه‌سی اوشبو ولایتده فعالیت قیله‌دی، بیراق هیچ‌بیر تروریستی گروه‌گه بو ولایتده فعالیت قیلیش اوچون رخصت بیریلمه‌سیدن ایشانچ بیره‌دی.
سرپل ولایتی کینگش اعضاسی اسدالله خرم، اوشبو ولایتده داعش گروهی نینگ فعالیتی کینگی‌گنیدن خواطر بیلدیرگن.
کنر ولایتیده امنیتی بیرمنبع نینگ ایتیشیچه، داعش گروهی اوشبو ولایت بیرقطار منطقه‌لریده فعال دیر، بیراق چیت‌ایللیک و افغانستان امنیتی کوچلری نینگ عملیات‌لری مذکور گروه فعالیتی‌نی جدی قیینچیلیک بیلن روپه‌ره قیلگن.
ننگرهار حاکمی سوزلاوچیسی عطالله خوگیانی نینگ ایتیشیچه، داعش گروهی اوشبو ولایت هسکه‌مینه، نازیان، خوگیانی و سپین‌غر تومن‌لریده فعالیت قیله‌دی و اولرنی نابود قیلیش اوچون حربی عملیات‌لرنینگ دوامی بار.
بوتوغریده مدافعه وزیرلیگی فکرینی آلیش اوچون سعی و حرکت قیلدیک، بیراق موفق بولمه‌دیک.
