سیلاب 201-قول اردونینگ مطبوعات بولیمی، ننگرهار ولایتی‌ده داعش حرکتی حربی بولیمی‌نینگ اورین باسری سعد امارتی 126اعضاسی بیلن اولدیریلگن‌لیگی باره‌سیده خبر بیریشگن.
سیلاب 201- قول اردوسی‌نینگ اعلامیه‌سیده، داعش گروهی‌نینگ مذکور اعضالری ننگرهار ولایتی اچین تومنی‌نینگ باندروچ منطقه‌سیده افغان ملی کوچلری تامانیدن اوتکزیلگن عملیات‌ده اولدیریلگن لیک‌لری بیلدیریلگن.
شونینگ‌دیک خبرنامه‌ده داعش‌نینگ بوحربی اورین باسری اوچ یولداشی بیلن کوت تومنی‌نینگ قلعه‌سنگی منطقه‌سیده اولدیریلگنی حقیده یازگن.
سیلاب 201- قول اردوسی‌نینگ مسووللری، بو حرکت‌نینگ 22 اعضاسی حبس‌گه آلینگن‌لیگی حقیده هم خبر بیرگن‌لر.
ننگرهار ولایت والیسی‌نینگ سوزلاوچی‌سی عطاالله خوگیانی نینگ سلام‌وطندارگه ایتیشیچه، داعش حربی بولیمی‌نینگ اورین باسری اخیرگی وقت‌لرده کوت تومنیده اوروش مسوولیتی‌نی ذمه‌سیگه آلگن.
داعش تامانی هنوزگچه بو توغریده بیرار نرسه دیمه‌گن.
