داعش تشکیلاتیده‌گی باله‌لرنینگ ایتیشیچه، تیریکچیلیک‌لری‌نینگ خرجتی‌نی تأمین‌لش و مملکت‌ده اسلامی خلافت حاکم بولیشی اوچون بو گروه گه قوشیلگن‌لر.
اوشبو باله‌لردن بیرقطاری، اوز ایستک‌لری بیلن داعش گروهی گه قوشیلگن‌لر؛ بیراق باشقه بیرقطاری‌نینگ ادعا قیلیشیچه، واسطه‌لر آرقه‌لی قولمه قول بولیب و بو گروه گه ساتیلگن‌لر.
اوتگن کون داعش گروهی‌نینگ جنگریلریدن بیرقطاری، دولت گه قوشیلدی. اوشبو جنگریلردن بیرقطاری، 13 و 15 یاشیده بولگن باله‌لر دیر و حربی جهازلرینی زورلب کوتره‌دیلر.
اولردن بیرقطاری‌نینگ سلام‌وطندارگه ایتیشیچه، حکومت و طالب‌لرنینگ عدالت‌سیزلیک‌لری سبب، داعش گه قوشیلیب و اولرگه قرشی جهاد قیله‌دی ایکن‌لر.
اولردن بیری بابر دیر. اونینگ اوستیگه قاره کییم و آیاغیده حربی بوت دیر. اونگه کوره، مسؤولیتی باله‌لرنی جلب و جذب قیلیش و اولرگه اسلامی خلافت تعلیماتی‌نی بیریش بولگن.
بابرنینگ کوپه‌یتیریشیچه، جوزجان ولایتیده داعش گروهی اسلامی خلافت‌نی ایجاد قیلیب و باله‌لرگه پول بیریب و تعلیمات بیریشی‌نی ایشیتگنیدن سونگ، آته و آنه سیگه خبر بیرمس‌دن نیچه دوستی بیلن بلخ دن درزاب تومنی گه سفر قیلگن و او ییرده نیچه چیت ایللیک حربی تعلیمات بیرگن.
بابرگه کوره، داعش اهالی‌دن بیعت آلیش اوچون اولرگه دالر بیره‌دی ایکن و افغانی پول مذکور گروه‌نینگ اعضالرینی آره‌سیده جوده هم آز ایکن.
شونینگدیک، او جوزجان یشاوچی‌لری اوچون جرمجزا و صحرایی محکمه‌لر توغریسیده ایتیشیچه، داعش گروهی اوغیریلرنینگ قولی‌نی و مرتدلرنینگ باشینی کیسه‌دی.
13 یاشیدن بولگن احمد هم درزاب تومنیده داعش گروهی‌نینگ اعضاسی بولگن. اونینگ ایتیشیچه، ایناغه‌سی اونی کابل گه آلیب باره‌من دیب درزاب انتقال بیرگن و اونینگ دولت و طالبان گه قرشی کوره‌شیش اوچون داعش اعضاسی قیلگن.
احمدگه کوره، ایچکی و چیت‌ایللیک عیاللر، او و باشقه همراهلریگه دینی و حربی تعلیمات بیرگن.
مکتب اورنی گه داعش گروهی‌نی ترجیح بیرگن‌لر یالغیز بابر و احمد ایمس دیر، بلکیم باشقه کوپینچه باله‌لر او بیلن حکومت گه تسلیم بولگن و اولرنینگ تقدیری هم شونده‌ی بیر نرسه کورینه‌دی. سیمالریده جدی‌لیک کورینه‌دیگن اوشبو باله‌لر صورت آلیش‌نی حرام دیب و سقالی تراشلنگن انسانلرگه قول بیرمه‌یدیلر.
اوشبو باله‌لردن بیرقطاری گه کوره، واسطه‌لر باله‌لر و شونینگدیک، کته یاشلی‌لرنی ایران یا-ده ترکیه آلیب کیته‌میز دیب الده‌یدی و اوندن سونگ، الده‌نگن کیشی‌لرنی داعش گه ساته‌دیلر.
