مملکت سوو برق وزیری علیاحمد عثمانینینگ ایتیشیچه، برق ایشلب چیقاریشده خصوصی بولیملر سرمایه یاتقیزمهگن حالده، مذکور وزیرلیک یالغوزلیکده مملکت بویلب برقنی تامین ایتیشگه قادر ایمس.
بوگون (سهشنبه) سام ییغینی مسالهلری اوستیده مدنی جماعهچیلیک نمایندهلری بیلن اوچرهشیب ملاقات قیلگن جناب عثمانی، برق ایشلب چیقاریشده خصوصی بولیملرنی سرمایه یاتقزیشی مذکور ییغیننینگ ایکینچی بولیمیده بحث ایتیلهدیگن اساسی موضوع بولگنینی ایتگن. سوو برق وزیری برق ایشلب چیقاریش بولیمیده خصوصی شرکتلرنینگ سرمایه یاتقزیشی صنعت و تجارت رواجلهنیشی اوچون فایدهلی دیگن عثمانی، مملکت برچه اهالیسی اویینی برق بیلن یاروتیش نینگ یگانه یولی بو بولیمده خصوصی سرمایه یاتقیزیشدن باشقه چاره یوق.
عثمانیگه کوره، حاضرگی کونده مملکتنینگ گاز، سوو، تاش کومیر و باشقه طبیعی منبعلریده خصوصی بولیملر سرمایه یاتقیزیشی اوچون دییرلی شرایط موجود.
بو ایش عملی بولیشی اوچون دنیا جماعهچیلیگی همده حکومتنی اساسی یاردم بیریشی توغریسیده تاکیدلهگن عثمانی، اوشبو بولیمگه خصوصی شرکتلر سرمایه یاتقیزگن حالده، افغانستان اوزی برق بیلن تامین لنگنلیکدن علاوه قوشنی مملکتلرگه هم برق انرژیسی ییتکزیب بیریشی ممکن دیگن.
سوو برق وزیرلیگی مسؤوللریگه کوره، افغانستان اوتگن اون ییلده فقط 50 میگاوات برق ایشلب چیقاریشگه موفق بولیب و چمهسی 500 میگاوات برقنی قوشنی مملکتلردن کیلتیرهدی.
عین حالده، سوو برق وزیری سوزلریگه قرهگنده حاضرگی کونده کجکی، کمالخان و دهله ییریک برق توغانلری قوشیمچه کیچیک توغانلردن عبارت 20 لایحه اوستیده وزیرلیک ایش آلیب بارهدی. مذکور لایحهلرنینگ بودجهسی تامین ایتیلگن صورتده، پروژهلرنینگ ایشی کیلگوسی ییلده باشلنهدی.
ایتیلیشیچه، افغانستان برق ایشلب چیقاریش اوچون لازم قابلیتگه ایگه، اما مملکت انرژی ایشلب چیقاریش منبعلریگه هنوزگچه هم قول اوریلمهگن.
