بوگون «سه‌شنبه» کابل‌ده خبری بیر ییغین اوتکزگن باجور اجنسی‌لر، مومند، خیبر، اورکزی، شمالی وزیرستان و جنوبی وزیرستان اهالیسی‌دن تشکیل ایتیلگن قبیله‌وی کینگش، خیبرپشتونخواه ایالتی‌گه قبیله‌وی منطقه‌لر قوشیلیشی توغریسیده پاکستان پارلمانی تامانیدن آلینگن قرارنی بیر تامانلمه دیب ایتیشیچه، اهالی هیچ قچان بو قرارنی قبول قیلمه‌یدی.
قبیله‌وی کینگش باشلیغی زرجان شینواری، اوشبو ییغین‌ده پاکستان‌نینگ آلگن قراری‌نی قیته‌دن آلیش اوچون خلق اراجماعه‌سی و بیرلشگن ملت‌لر تشکیلاتیدن اوشبو مملکت اوستیده فشار کیلتیریشی نی سوریدی.
قوم و قبیله وزیرلیگی‌نینگ سوزلاوچیسی جاویداحمد وفا‌نینگ سلام‌وطندارگه ایتیشیچه، اوشبو خصوصیده پاکستان پارلمانی‌نینگ آلگن قراری بیرتامانلمه دیر و جمهور رییس غنی و مملکت تشقی ایشلر وزیری اوشبو قرارنی قره‌له‌یدی.
عین‌حالده ایش‌بیلرمانلرنینگ ایتیشیچه، پاکستان‌لیک رسمیلر نیچه ییلدن بویان قبیله‌وی منطقه‌لرنی کنترل قیلیش بیلن حربی تاسیساتلرنی اوییرده یرلشتیرگن و حاضرده اوشبو منطقه استقلالیتی نی آلیش اوچون سعی و حرکت قیله‌دی.
