جمهور رئیس محمداشرف غنی و اجراییه باشلیغی عبدالله عبدالله و شونینگدیک، جاری ییلده جمهورلیک ریاست سیلاوی نینگ نامزدلری، حکومت تشکیلاتیده بیش ییللیک شریک بولیب و کوپینچه موضوعلرنی باشدن کیچیرگنلر و بو جریانده اوشبو قدرت شریکلریدن هر بیری قولگه کیریتگن فرصتدن فایدهلنیب بیر-بیراوی گه گپ آتیشیب کیلیشگن. بیراق، گپ آتیشلر و تارتیشووچلر سیلاو کمپاینلری جریانیده باشقه هر زماندن کوره برجسته بولگن. دوشنبه کون کیچ قورون محمداشرف غنی و داکتر عبدالله عبدالله نینگ آرهسیده تلویزیونی مناظرهسی بولیشی کوتیلردی، بیراق سونگی دقیقهلرده جناب غنی مناظره ده قتنهشیشدن باش تارتدی.
سلاموطندارگه صحبت بیرگن آریانا تلویزیونی مسؤولریدن بیری شریف حسنیارنینگ ایتیشیچه، بیر آیدن بویان ایکی رقیب و قدرت شریکی آرهسیده بو مناظره اوتکزیلیشی خصوصیده، برنامه تیارلنگن و شونچه مدتده نیچه مرته دولت قورووچی و برقرارلیک و یقینلیک سیلاو تیملری نینگ رهبرلری بیلن اوچرهشیلگن. جناب حسنیارگه کوره، نتیجهده ایکی تیم مناظره ده قتنهشیش اوچون تیارگرلیک کورسهتیشگن و شونینگدیک، مناظره یولگه قوییلیشیدن آلدین، جمهور رئیس نینگ خاص قوریقچیلری کیچ قورون ساعت 5 دن مذکور میدیانینگ بِناسیده جایلشگن ایکن.
جناب حسنیارنینگ کوپهیتیریشیچه، جمهور رئیس غنی نینگ کیچهلیک آوقتی هم مناظره یولگه قوییلگن محل گه انتقال بیریلگن، بیراق سونگی دقیقهلرده جناب غنی بو مناظره ده قتنهشیش دن باش تارتگن.
جناب حسنیارگه کوره، ایکی تامان نینگ ایستهگی و جناب غنی نینگ تأکیدی اساسیده، اشتراکچیلردن هیچ بیر سوراق آلینمهسی توغریسیده قرار قیلینگن ایکن، لیکن شوندهی بیر حالتده هم جناب غنی مناظره ده قتنشمهگن.
عین دمده، دولت قورووچی سیلاو تیمی بیر اعلامیه نشر قیلیب ایتیشیچه، برقرارلیک و یقینلیک سیلاو تیمی افغانستان قوتقریلیشی اوچون جدی و عمومی بیر برنامه بیان قیلمهگن و جناب عبدالله توشونچهلری و برنامهلرینی اهالی گه آچیقلب بیرگونگهقدر، اولر بو مناظره نی توختهتیب قویهدی.
اوشبو مناظره یولگه قوییلیشی دن نیچه کون آلدین، جمهور رئیس غنی نینگ مصلحتچیسی شاهحسین مرتضوی، فیسبوک صحیفهسیده بیر سوال بیریب و ایتیشیچه، جناب عبدالله نینگ عادتی دیر کیم، 90- دقیقه ده تاکتیکی شکلده آرقه گه چیکیلهدی. بیراق جناب مرتضوی نینگ کوتیشی گه قرشی، جمهور رئیس غنی مناظره ده قتنهشیش دن آرقه گه چیکیلدی.
سیلاو مناظره سیده عبدالله عبدالله نینگ برابریده جناب غنی نینگ باش تارتیشی اجتماعی ترماقلرده کوپینچه عکسالعمللرگه روپهره بولدی.
شونینگدیک، اجتماعی ترماقلرنی ایشلاوچیلریدن بیرقطاری، مناظره باشلهنیشی و جناب غنی نینگ یوقلیگیدن باشلب حاضرگهقدر استاتوس قوییشهدی و قیزیغی شو دیر کیم، بو استاتوسلر جمهور رئیس غنی گه لقب بیریلگن.
اجتماعی ترماق ایشلاوچیلریدن بیری نینگ یازیشیچه: « اوتمیشلرده میدان نی حریف یا-ده رقیبی گه قوییب یوبارگن کیشیلرگه بگیل دییلردی.»، باشقه بیری نینگ یازیشیچه، «بیزلرنینگ برقی میز کیلدی، بیراق جناب غنی مناظره ده قتنشمهدی.»
شونینگدیک، اجتماعی ترماق ایشلاوچیلریدن کوپینچهسی یازوولریده «قاچقیر بابا» سوزیدن فایدهلنیشگن.
شو توغریده…
ارگ بویروغی سیپدار تامانیدن تعلیق قیلینگن
