خوست ولایتی‌نینگ مدنی جماعه چیلیک فعاللری، ولایت‌ده بعضی خانه دانلر و دولت اداره‌لری نینگ خاتین – قیزلر برابریده بولگن تبعیض‌لریدن خبر بیرگن‌لر. اولر بو قبیل یانده‌شوولر جامعه ده ایلدیزدن قوریتیلیشی حقیده تاکیدله گن‌لر.
بو سوزلرعیال‌لرگه قرشی تبعیض قوللنیش آلدی آلینشی اوچون اوتکزیلگن اورگه‌نیش کارگاه‌ده تیلگه آلینگن. خاتین – قیزلر بیلن قوپال یانده شیلیشی همده اولرگه معین چیکلاولر یره تیلیشی مملکت‌ده خاتین‌لر مقابیلیده بولگن معمالردن سنه‌له‌دی.
اوشبو فعال‌لردن بیری نادیه باوری نینگ ایتیشیچه، عیاللر اوچون فقط اورگه‌تیش و ساغلیق بولیم‌لریده کمراق چیکلاو یره‌تیلگن و عیاللر تامانیدن ریاست‌لر و مدیریت‌لر باشقریلیشی کمدن – کم کوزه‌تیله‌دی.
باشقه مدنی بیر فعال کامله اکبری‌نینگ سوزلریگه قره‌گنده، خاتین – قیزلر جماعه‌نینگ یریمینی تشکیل ایته‌دی. فعالیت قیلیش‌نی عیاللرگه قانون لازم کورگن. بیراق، ایرکک‌لر دایم بو قتلم گه باشقه کوز بیلن قره‌یدی. خانم اکبری، ایرکک‌لرگه حیات شیریگی‌نی تنلش آسان همده اختیارلریده؛ بیراق بو مساله ایسه قیزلر اوچون اویتلی موضوع سنه‌له‌دی.
اوشبو سیمنارنی یولگه قویگن مسوول‌لردن بیری بازی سلام نینگ سلام وطندار گه ایتیشیچه، مذکور برنامه‌نی اوتکزیش‌دن نیت عیاللر برابریده بولگن جنسی و حقوقی تبیعضلرنی کوتاریش دیر.
بیرلشگن ملت لر تشکیلاتی تامانیدن یولگه قوییلگن مذکور کارگاه اوچ کون دوام تارتیشی ایتیله‌دی.
