قندوز- تخار قتناو یولیدن باشقه بیر یولاوچی اوغیرلنیشی بیلن مملکت شمالیده اوغیرلنگن یولاوچیلر رقمی 9 کیشیگه ییتیشدی. قندوز ولایتینینگ امنیه قومندانی جنرال محمدقسیم جنگلباغنینگ ایتیشیچه، اوغیرلنگن 20 یولاوچیدن 11 کیشی قوییب یوباریلگن؛ بیراق قالگن 9 یولاوچینینگ تقدیریدن هیچ بیر خبر یوق دیر.
قندوز امنیه قومندانینینگ ایتیشیچه، مذکور یولاوچیلرنینگ قوییب یوباریش اوچون قندوز اطرافی و حضرت سلطان منطقهلریده عملیات دوام ایتماقده.
جناب جنگلباغ گه کوره، اوغیرلنگن یولاوچیلرنینگ برچهسی تینچ اهالی بولیب و کوپینچهسی ایرانگه ایش اوچون باریب و او مملکتدن چیقاریلگن کیشیلر بولگن.
قندوز امنیه قومندانی، اوغیرلنگنلرنینگ رقمینی 20 کیشی دییدی، بیراق مذکور ولایت حاکمی اسدالله عمرخیل، واقعه یوزبیرگن ساعتلرده، اوغیرلنگنلر رقمینی 40 کیشی دیگن ایدی.
اوتگن (چهارشنبه کون) ایرتهلب، قندوز ولایتی باغمیری منطقهسیدن قوراللی طالبلر نیچه یولاوچی تاشیدیگن موتر یولاوچیلرینی اوزلری بیلن آلیب کیتگن. اوشبو یولاوچیلردن 11 تهسی کیین قوییب یوباریلگن یا-ده طالبلرنینگ قولیدن قاچگنلر؛ بیراق باشقه 9 یولاوچینینگ اولیمی، تیریکلیگی یا- ده یشش اورینلریدن هیچ بیر خبر یوق دیر.
