انسان خواطرگه توشگن یا-ده زیریککن چاغیده، اویقولش یا-ده دوست‌لری‌نینگ آلدی گه باریش و ایریم پیت‌لرده بیر گیلاس قهوه ایچیش اوچون سعی و حرکت قیله‌دی، بیراق جاپانی‌لیک بیلیم‌دانلر آرقه‌لی اوتکزیلگن تدقیقات اساسیده، وضعیت‌نی اوزگرتیریش اوچون هفته‌ده بیر مرته ییغلماق کیره‌ک.
جاپانی‌لیک بیلیم‌دان هیدموفرمی یوشیدا، انچه ییل‌لردن بویان انسان‌لرگه خواطر یا-ده قیغو چاغیده ییغلماق فایده‌سی توغریسیده معلومات بیره‌دی. اونینگ ایتیشیچه، قیغولی موسیقه ایشیتیش، تراژیدی فلم‌لرنی کوریش و ییغلش‌گه کیلتیره‌دیگن کتاب‌لرنی اوقیش سلبی تحریکات سنله‌دی، بیراق بونده‌ی عمل‌لر ایجابی نتیجه هم بیره‌دی.
یوشیدا نینگ ایتیشیچه، مذکور فعالیتلر ییغلش‌گه سبب بولهدی و اوندن سونگ عصبی فعالیت«پاراسامپتیک» باعث بولیب، یورک اوریشی کمهیب و نهایتده عصاب آرام بولهدی.
اوشبو چاپانلیک بیلیم‌دانلر، 79 اوقووچیدن تراژیدی و غملی فیلم کوریب و اوندن سونگ احساسلرینی بیان قیلیشینی ایستهگن؛ مذکور اوقووچیلر فیلملرنی کوریب ییغلهگن دن سونگ عصابی لحاظ دن آرام بولگنلرینی بیلدیرگن.
بوندن آلدین هم قطار تحقیقاتچیلر ییغلشنینگ منفعتی بارلیگی دن خبر بیرگن ایدی؛ جملهدن 2008- میلادی قطار تحقیقاتچیلر بیر تحقیقات دن سونگ ییغلشنی روانی کسللیککه درمان عنوان قیلگن ایدیلر.
