افغانستان تینچلیک لایحه‌سی بوییچه آمریکا قوشمه ایالت‌لرینی خاص نماینده‌سی زلمی خلیلزادنینگ سلام‌وطندارگه ایتیشیچه، طالبان بیلن اوتکزیلگن 7- دور سوزلشوولری «اوتکزیلگن ییغین‌لرنی اینگ یخشی دوره‌سی» ایدی.
جناب خلیلزادنینگ ایتیشیچه، 7- دور سوزلشوولرده دییرلی نتیجه‌لر اورته گه کیلگن، بیراق ایریم موضوعلر توغریسیده مذاکره دوام ایتماقده.
افغانستان تینچلیک لایحه‌سی بوییچه آمریکانی خاص نماینده‌سی نینگ کوپه‌یتیریشیچه، اوشبو سوزلشوولر جریانی افغانلر ارا سوزلشوو ییغینی باعث، ایکی کون توخته‌تیلگن و ایکی کوندن سونگ، باشلنه‌دی.
قطرده افغانستانلیک‌لر ارا سوزلشوو ییغینی اشتراکچی‌لری نینگ سلام‌وطندارگه ایتیشیچه، بو ییغین افغانستان حکومتی و طالبان گروهی آره‌سیده مذاکره‌لر باشله‌نیشی توغریسیده زمینه یره‌تیشی ممکن.
شونینگدیک، مذکور ییغینده اشتراک قیلگن خبرچی‌لردن بیرقطاری، طالبان گروهی نینگ کونگیل‌لی بولگنی و ایکی تامان امیدوارلیک‌لریدن خبر بیریب ایتیشیچه، کورینیشیچه یخشی خبرلر یولده دیر.
بوگون «شنبه» صدیق صدیقی نینگ جمهور رئیس سوزلاوچیسی صفتیده تانیشتیریش مراسمی‌ده جمهور رئیس محمداشرف غنی نینگ استراتیژیکی علاقه‌لر بوییچه ییریک مصلحتچیسی وحید عمرنینگ ایتیشیچه، تینچلیک سوزلشوولریده دییرلی نتیجه‌لر اورته گه کیلگن و حکومت جاری میلادی ییل، سپتمبر آیی نینگ باشلریگچه طالبان گروهی بیلن دستلبکی کیلیشووگه ایریشیشی خصوصیده قرار قیلینگن.
