اوتگن کون افغانستان خبرچیلری مرکزی خبرچیلرگه قرشی خشونتلر 50 فایز آزه‌یگنیدن خبر بیردی، بیراق بیرکون اوتمسدن بوگون افغانستان رسانه‌لریدن حمایت قیلوچی نهاد (نی) نینگ ایتیشیچه، خبرچیلرگه قرشی خشونتلر کوپه‌یگن؛ لیکن قیسی‌سی حقلی و قیسی سینی قبول قیلیش کیره‌ک؟
بو اره‌ده باشقه نهادلر هم بیریلگن سانلر بیراوگه قرشی چیققن‌لیگی اصلی دلیلی خبرچیلردن حمایت قیله‌دیگن نهادلر اوز ارا اویغونلیگی یوقلیگیدن کیلیب چیقه‌دی دیب بیله‌دیلر. افغانستان خبرچیلری کینگشی نینگ باشلیغی حفیظ بارکزی نینگ ایتیشیچه، نهادلر تامانیدن خبرچیلرگه قرشی خشونتلر سلیقه یوزه‌سیدن ترتیب بیریله‌دی.
جناب بارکزیگه کوره، خبرچیلرگه قرشی خشونتلر رقمی نهادلر تامانیدن تینچ چیقمس‌لیگی اوشبو نهادلر اورته‌سیده اویغونلیک بولمه‌گنینی کورسته‌دی.
.jpg)
خبرچیلردن نادر اشکان وحیات امانت ایکی خبرچی نینگ ایتیشلریچه، خبرچیلرگه قرشی بوله‌دیگن خشونتلر سانی اوشبو نهادلر تامانیدن انیق بولمه‌گنی، اولرنینگ خبرچیلر برابریده جدی ایمس لیکلرینی کورسته‌دی.
بوخبرچیلرگه کوره، رسانه‌لرنی حمایت قیله‌دیگن نهادلر تامانیدن ارایه قیلینگن رقم، رسانه‌لردن آلینگن و «هیچ زمان میدانگه چیقیب بوتوغریده تدقیقات قیلمه‌گنلر.»
نادر اشکان نینگ ایتیشیچه، ایکی رسانه‌لردن حمایت قیله‌دیگن ایکی نهاد تامانیدن نشر قیلینگ رقم، رسانه‌لرنی قیینچی‌لیک بیلن روپه‌ره قیله‌دی.
بو بیرینچی مرته ایمس رسانه‌لردن حمایت قیله‌دیگن نهادلر تاماندن رقملری فرقلی نشر بولگن بولسه. بوندن آلدین هم رسانه‌لر شونقه موردلرگه شاهد بولگن ایدی.
