کابل شهرارلیگی بوگون (چهارشنبه) پایختده نا قانونی قوریلگن بنالرنی نورهتیش جریانینی باشلهدی. کابل شهردارلیک ادارهسینینگ رسمیلری، لایحه کابل شهرینینگ ییتینچی ناحیهسیده باشلگن دیگنلر. ایتیلیشیچه، بو ناحیهده ناقانونی قوریلگن 19 بنا هنوزگچه تانیلگن.
کابل سکیزینچی ناحیهسینینگ باشلیغی انجینیر صالحنینگ سوزلریگه کوره، اوشبو آسمان اوپَر بنالر ییش بلاکلر قوریش اوچون حجت بیریلگن؛ اما، بنا لرنینگ ایگهسی تجارت مرکزلر قورگنلر.
ناقانونی قوریلگن بنالرنی بوزیش جریانیده سوزلهگن جناب صالح نینگ خبرچیلرگه ایتیشیچه، تجارت مرکزلری قورمسلیک اوچون نیچه مرته اوشبو بنالرنینگ ایگهلریگه مکتوب یوباریلگن.
لیکن، اوشبو بنالرنینگ ایگهلری، کابل شهردارلیگی بولرنی آلدیندن جریانگه قویمی بنالرینی نورهتیشگه باشلهگن لیگینی ایتگنلر.
مذکور بنالر ایگهلریدن بیر محمد شمسنینگ سوزلریگه کوره، شهردارلیک ادارهسی تامانیدن نورهتیله دیگن بنا تجارت مرکزی ایمس موتر بیکتی دیر.
شونینگ دیک محمد شمس دولت بوتون کابلده بو لایحهنی عملگه آشیریش اوچون زورهوان شخصلر و دولت بلند مرتبهلی رسمیلریگه تطبیق قیلیش اوچون کوچی ییتمس لیگینی تیلگه.
اونگه کوره، یالغوز شهردارلیک ادارهسیگه پاره بیرمیدیگنلرنینگ بناسی بوزیلهدی . محمدشمس، هنوزگچه مذکور بنا اوچون ایکّی میلیون افغانی صرفلهگن و دولت بو تدبری بیلن تبها قیلدی دیدی.
ناقانونی بولگنلیگی اوچون لطیفهنینگ هم یریم قوریلگن بناسی نوره تیلگن. لطیفه گه کوره، بو بنانی تجارت مرکزی قوریش نیتی بولمهگن شهردارلیک قانونی سببسیز ویران ایتهدی.
لطیفه نینگ قولیدهگی حجتده کابل شهردارلیگی بونگه مذکور ییرنی تورت قبت بنا قوریش اوچون رخصت بیرگنلیگی معلوم بولهدی.
لیطفه اون فرزندی حیات کیچیریشیگه مولجللهنیب قوریله دیگن بنا ویران ایتیلیشی بیلن بار یوغی دن قولدن بیریشیدن شکایت قیلهدی. او، حکومت رسمیلری جنازهسینی باسیب اوتگونلریچه هم، بناسی نورهتیلیشی اوچون کیشیگه رخصت بیرملسلیگی اوستیده تاکید ایتگن.
کابل شهردارلیگی بوندن تورت کون آلدین کابلده بیر خبری انجمن اوتکزیب، کابلده اوزباشیمچه و ناقانونی قوریله دیگن بنالر آلدی آلینیشی بارهسیده آگاهلنتیرگن ایدی.
