فسادگه قرشی کوره‌شیش خلق اداره‌سی‌نینگ ایتیشیچه، ملی بیرلیک حکومتی بیرگن شعاری‌گه اساس، اداری فسادگه قرشی کوره‌شیش خصوصیده ناکام قالگن. شونینگ‌دیک مذکور اداره مسؤول‌لری‌نینگ ایتیشیچه، ملی بیرلیک حکومتی اداری فسادگه قرشی کوره‌شیش باره‌سی‌ده اونچه‌لیک دقت قیلمه‌گن.
اوشبو مدنی اداره مسؤولی سیما غنی‌نینگ یکشنبه کون بیرخبری ییغین‌ده ایتیشیچه، حاضرگه قدر افغانستان‌نی 9 دولت اداره‌سیده کینگ کولمده فساد موجود.
خانم غنی‌نینگ ایتیشیچه، مذکور 9 اداره‌نی یوزکونلیک برنامه‌سیدن اولرنینگ تیکشیرولری‌نی کورستیشیچه، حاضرگچه بو اداره‌لرده کینگ کولمده فساد موجود.
یوکسک اوقوو، سو و برق، ایچکی ایش‌لر، صنعت و سوداگرلیک، مخابرات، عدلیه، معارف وزیرلیک‌لری و باش قاره‌لاوچیلیک اداره‌سی کینگ کولمده فساد موجود بولگن وزیرلیکلردن دییله‌دی.
خانم غنی‌نینگ ایتیشیچه، اولر ملی بیرلیک حکومتی‌دن دستلب یوزکونلیک ایشی‌ده سابق وزیرلرگه ینگی کابینه‌ده جای بیریلمس‌لیگی‌نی سوره‌گن.
بیراق، اونگه کوره، ملی بیرلیک حکومتی بیرگن سوزلرینی عمل‌گه آشیرمه‌گن و حاضر بیرقطار سابق وزیرلر والی بولگن و یا اونملی پست‌لرگه جایلشتیریلگن.
مذکور اداره رسمی‌لری‌نینگ ایتیشیچه، حاضر فساد اقتصاد، سیاسیت، مدنیت و اجتماعی بولیم‌لرگه بیر عنعنه‌گه اوزگرگن.
ایش بیلرمان‌لردن بیرقطاری‌نینگ ایشانچی‌گه کوره، فساد اوتکن 13 ییل جریانی‌ده مملکت‌ده بیر رسم‌گه اوزگرگن. بو ایش بیلرمان‌لرگه کوره، فسادنی اورته‌دن کوتریش‌گه کوچلی سیاسی اراده کیره‌ک.
سیاسی ایش بیلرمان‌لردن بیری اکبرجان فولادنینگ ایتیشیچه، بیرقطار کیشی‌لر دولتی اداره‌لرده درآمدی کوپ بولگن لوازملرنی قولگه آلیش اوچون سعی و حرکت قیله‌دی.
اونگه کوره، بو کیشی‌لرنینگ حمایه چیلری دولت بلند مرتبه‌لی لوازملری‌گه ایشله‌یدی، قولگه کیریتکن منفعتی‌دن 20 فایزنی دولت‌گه بیریب و باشقه 80 فایزنی اوز چونتک‌لریگه اوره‌دی.
افغانستان اوتکن ییل‌لرده دنیا بویلب اداری فسادگه چومیلگن مملکت تانیلگن. گزارشلرگه کوره، دنیا جماعه چیلیگی تامانیدن افغانستان‌گه بیریلگن یاردم‌لردن میلیاردلب دالر، مملکت رسمی‌لری تامانیدن حیف بولگن.
