د افغانوښځو خبررسونې ټولنې غړي وايي، حکومت له وسلهوالو طالبانو سره د سولې په خبرو اترو بوخت دی او د خلکو ترمنځ شته ستونزې ترې هېرې دي.
د دې ټولنې غړي وايي، د خلکو ټولنیز وضعیت په اړه یې په کابل، هرات، بلخ او ننګرهار ولایتونو کې څېړنې کړي چې ډېر تمرکز یې پر ځوانانو و.
د افغانوښځو خبررسونې ټولنې څېړونکي مرتضی صارم وايي، په یاده څېړنه کې له ۳۳۳ کسانو نه پوښتنې کړي چې ۱۰۳ یې ښځینه او پاتې نور یې نارینه دي.
د نوموړي په وینا، خلک تر ډېره د ځمکو او اوبو پرسر شخړې کوي چې له کبله یې وسلهوالې نښتې هم کېږي چې بیا یې د په بدو کې د نجونو په ورکړه یا هم د طالبانو په وسیله بېرته حلوي.
د یادې ټولنې د څېړنې له مخې حکومتي ادارو کې د فساد له کبله د هېوادوالو د ستونزو حل ډېر وخت نیسي؛ نو ځکه خلک طالبانو ته مراجعه کوي.
په همدې حال کې د سولې عالي شورا غړې لیلا جعفري وايي، حکومت د عدالت پلي کولو او عدلي او قضايي ارګانونه د خلکو د ستونزو په حل کې پاتې راغلی چې وینا یې د خلکو او دولت ترمنځ په همکارۍ یې هم ناوړه اغېز کړی دی.
دا په داسې حال کې ده چې حکومت د سیمهییزو ستونزو د حل لهپاره ځانګړی کمېسیون جوړ کړی، خو تراوسه یې فعالیت او لاسته راوړنو په اړه کوم راپور خپور شوی نهدی.
