بیرلشگن ملتلر تشکیلاتی افغانستان امنیتی وضعیتی خواطرلی و یمان بولگن دیب گزارش نشر قیلگن. بیرلشگن ملتلر تشکیلاتی 2016-ییلده افغانستان امنیتی کوچلری و طالب‌لر اورته‌سیده اوروشلر حددن آشگن‌لیگی‌گه اشاره قیلیب جاری ییلده هم بووضعیت یمان حالتینی سقلشی ممکن دیگن.
حربی تحلیلچی‌لرنینگ ایتیشیچه، قدرتده‌گیلر اروته‌سیده اویغونلیک بولمه‌گنی، امنیتی نهادلر اطلاعاتی دستگاه‌لری ظرفیت سیزلیگی و فساد یوکسک شکلیده بولگن‌لیگی دلیل کون سه‌یین مملکت امنیتی وضعیتی یمان بولماقده.
حربی تحلیلچی زلمی وردک نینگ سلام‌وطندارگه، ملی بیرلیک حکومت باشلیغ‌لری ایچکی تارتیشوولر بیلن بولیب یشاوچیلر امنیتی‌نی تأمین قیلیشگه ناکام قالگن دیگن. اونینگ ایتیشیچه، مملکت حاضرگی وضعیتی اوچون چاره تدبیر کورسه تیلمه‌گن تقدیرده، امنیتی وضعیت بوندن هم یمان بولیشی ممکن.
حربی تحلیلچی‌لردن کابل‌‍خان تدبیرگه کوره، حاضرگه قدر امنیتی نهادلر اطلاعاتی بولیمیده سرمایه یاتقیزیلمه‌گن و کوپلب مورد اولرنی ایرکین‌لیگی آلینه‌دی. حربی سیرلر سقله‌نیلمه گنلیگی، مجلس اعضالری نینگ اره‌لشیشی، یوکسک فساد، امنیتی کوچلریگه کونده‌لیک فنلری اورگه تیلمه‌گنلیگی، نالایق شخصلرنی یوقاری پستلرگه آلینیشی سبب امنیتی نهادلرده‌گی عسکرلر ایشلریگه قیزیقمیدی و نهایتده ترورچی گروه‌لرگه هجوم قیلیش زمینه‌سی یره‌تیله‌دی، دیدی جناب تدبیر.
بو حربی تحلیلچی نینگ تأکید قیلیب، حکومت و یشاوچیلر اورته‌سیده قیینچی‌لیکلر کوپراق بولگن تقدیرده جنگریلر بو قیینچی‌لیکلردن یخشی فایده لنه‌دی دیدی.
بو تشویشلر شوپیتده ایتیلماقده دیرکه اوتگن هفته داعش جنگریلری کابلده سردارمحمد داوودخان 400 بستر کسلخانه‌سیده هجوم اویوشتیریش نتیجه‌سیده 50دن آشه انسان اولیب 60 دن آشه شخص یره‌لنیشیگه سبب بولدی.
