.jpg)
اسلامی حزبی‌نینگ رهبری گلبدین حکمتیار، بوگون "جمعه" پروان ولایتیده بیر احتفال آرقه‌لی «افغان» سوزیگه قرشی بولگن جریانلر و سیاسی حزب‌لرنی چیت‌ایلیک‌لر تامانیدن تعیین ایتیلگن دیب و برقی کیم‌لیک‌لر توزیع ایتیلیشی خصوصیده حکومت قراری دن حمایت ایتیشی نی بیلدیرگن.
جناب حکمتیارگه کوره، برقی کیم‌لیک‌لرنینگ نیچه مدت آلدن توزیع ایتیلیشی لازم ایدی. اونینگ تاکید قیلیشیچه افغانستان اهالیسی «افغان دیر و افغان بولگنلریگه فخرلنه‌دی»
حکمتیار، حکومت رهبرلیگیده تارتشولر بولگنی خصوصیده اشاره ایتیب، اوشبو تارتشولر کوپینچه قیینچلیک‌لرگه سبب بولگن دیدی. اونینگ ایتیشیچه «بیرته‌سی کیم‌لیک آله‌دی باشقه بیری قرشی‌لیک کورسته‌دی، اوشبو وضعیت نی یکونلتیرینگ یوقسه اهالی‌نینگ قرشیلیگی بیلن دوچ کیله‌سیزلر»
گلبدین حکمتیارنینگ ایتیشیچه، کیلسی سیلاولرده هم اوتکن سیلاولر کبی قولاب‌کارلیک ایتیش اوچون حکومت بیرقطاری حلقه‌لری و ایل‌چیلیک‌لردن بیرقطاری سعی و حرکت قیلیب کیلماقده.
برقی کیم‌لیک لرنینگ توزیع ایتیلیش لایحه‌سی اوتگن کون جمهور رییس تامانیدن باشلندی. بیراق اوشبو لایحه باشله‌نیشی بیلن ملی بیرلیک حکومتی‌نینگ اجراییه رییسی عبدالله عبدالله و مملکت بیرقطار یشاوچیلری‌نینگ قرشیلیگی بیلن دوچ کیلدی.
.jpg)
برقی کیم‌لیک نیچه ییل تارتشولردن سونگ توزیع ایتیلدی و حاضرده هم اوشبو قرشی‌لیک لرنینگ جریانی بار. اوشبو کیم‌لیک‌ده قوم آتی‌نینگ درج ایتیلیشی اصلی تارتشولردن ایدی. مملکت یشاوچیلریدن بیرقطاری قوم‌نینگ آتی اوشبو کیم‌لیک‌ده درج ایتیلیشی ایسته‌یدی و باشقه بیرقطاری ایسه مملکت بوتون یشاوچیلری اوچون«افغان» سوزی ایترلی دیدی.
عین‌حالده افغانستان اسلامی جمعیت حزبی، برقی کیم‌لیک‌لر توزیع ایتیلیشی نی تارتشولر محتوا سیگه مناسب بیلمیدی. اوشبو حزب اعلامیه سیگه کوره، نماینده لرکینگشی سیلاولری و تومن کینگشی سیلاولری‌نینگ یقیین‌لریده اوشبو کیم‌لیک‌نینگ توزیع ایتیلیشی اهالی‌نینگ سیلاولرده اشتراک قیلیش‌لری نی کمه‌یتیره‌دی.
اسلامی جمعیت حزبی گه کوره، اوشبو دلیل لرگه قرگنده جمهورلیک ریاستی‌نینگ اخیرگی حرکتی «قانونی گه قرشی بولیب، تارتشولرنی اورته‌گه چیقاریب و افغانستان دشمن‌لری‌نینگ منفعتی گه »دیر و افغانستان اسلامی جمعیت حزبی تامانیدن قبول ایتیلمه‌یدی.
