افغانستان مالیه وزیرلیگی نینگ ایتیشیچه، جمهور رئیس غنی مذکور وزیرلیک ترقهلیشی توغریسیده بیرگن بویروغینی بیکار قیلگن. ینگیلیککه مالیه وزیرلیگی نینگ سرپرستی صفتیده تعیین ایتیلگن عبدالهادی ارغندیوال نینگ ایتیشیچه، مملکت جمهور رئیسی ینگی بیر بویروغ صادر قیلیب بو وزیرلیک نینگ صلاحیتلرینی ینه اونگه قیترگن.
بوگون «دوشنبه، 18- حمل» خبری بیر ییغینده نطق سوزلگن جناب ارغندیوال نینگ ایتیشیچه، «جمهور رئیس اوشه زمانده ضرورت سیزیلگنی اوچون مالیه وزیرلیگی نینگ ایریم بولیملری ایرکین بولیشی توغریسیده قرار قیلگنینی بیلدیریب و حاضر بو ایش گه کیرهک قالمهگنینی ایتگن.»
ارغندیوال نینگ ایتیشیچه، درآمد، گمرکلر و بودجه مالیه وزیرلیگی نینگ اساسی بولیملریدن بولگنی اوچون مالیه وزیرلیگی نینگ بوتون ایشلری اوشبو وزیرلیک نینگ رهبرلیگی تامانیدن عمل گه آشیریلهدی و اونگه دخالت قیلیش گه هیچ بیر اداره نینگ حقی یوق دیر.
جمهور رئیس محمداشرف غنی کمیده ایکی آی آلدین بیر بویروغ صادر قیلگن ایدی و اونگه اساس، مالیه وزیرلیگی نینگ اوچ اساسی بولیمی جملهدن گمرکلر، خزانهدارلیک و بودجه ایرکین بولیملر صفتیده جمهورلیک ریاست دفتری گه گزارش بیریشلری ایتیلگن ایدی.
جمهور رئیس غنی نینگ مالیه وزیرلیگی ترقهلیشی توغریسیده صادر ایتیلگن بویروغی دن سونگ، مرکزی و جنوبی آسیا ایشلری بوییچه آمریکانینگ تشقی ایشلر وزیرلیگینی اورین باسری الیس ویلز، افغانستان بوییچه مالیه وزیرلیگی نینگ صلاحیتلری جمهورلیک ریاست دفتری گه انتقال بیریلیشیدن خواطر بیلدیردی.
خانم ویلز، آمریکا قوشمه ایالتلری نینگ تینچلیک مؤسسهسینی گزارشی و مالیه وزیرلیگی ترقهلیشی گه اشاره قیلیب اوز توییتر صحیفهسیده «افغانستان اهالیسی جواب بیرووچی بیر دولت گه احتیاج بولگنینی بیلدیرگن ایدی.»
