افغانستان بوییچه اشرف غنی رهبرلیگیده بولگن دولت قورووچی تیم نینگ بیرینچی اورین باسری امرالله صالح، اوتگن کون اوز فیسبوک صحیفهسیده «برقرارلیک و یقینلیک تیمی نینگ بحران هستهسی» نامیده بیر مطلب نشر قیلیب و ادعا قیلیشیچه، عبدالله عبدالله رهبرلیگیده بولگن برقرارلیک و یقینلیک سیلاو تیمی نینگ ییریک اعضالریدن بیری، ملی کینگش نمایندهلری و دولتی رسمیلردن بیرقطاری نینگ اشتراکیده اوتکزیلگن ییغینده هزاره اهالیسی گه اهانت قیلگن.
جناب صالح تامانیدن یازیلگن مطلب اساسیده، ناراضیلیک نمایش یولگه قوییلیشی خصوصیده بولگن بحث و سوزلشووده نمایشده هزارهلر کینگ شکلده اشتراک قیلمهسی توغریسیده بحث قیلنگن و ییغین اعضالریدن بیری نینگ ایتیشیچه، هزارهلرنینگ حقی بورنیچه بولهدی.
جناب صالح یازگن مطلبیده بو سوزلمهنی نژادپرستلیک و تعصبلی دیب ایتیشیچه، قارهلاوچیلیک و محکمه ایستهگن صورتده، او بو موضوع تیکشیریلیشی اوچون اوشبو سوزلمه سیسی نی اولرنینگ اختیاریده بیرهدی.
امرالله صالح نینگ بو پستی اجتماعی ترماقلرنی ایشلاوچیلری و برقرارلیک و یقینلیک سیلاو تیمی نینگ جدی عکسالعمللریگه روپهره بولدی.
برقرارلیک و یقینلیک سیلاو تیمی نینگ ییریک اعضاسی محمد محقق، امرالله صالح نینگ بو یازمهسیگه عکسالعمل اوشبو فیسبوک صحیفهسیده یازیشیچه، «انسان نینگ شرفی بورنیده ایمس، بلکیم اخلاق و انسانیتی گه دیر.»
دولت قورووچی تیمی نینگ بیرینچی اورین باسری، محمد محقق نینگ جوابی گه اونینگ هردایم ناکام بولگن سیاست اربابی دیب ایتیشیچه، اونگه سوز تمیزلیگی و سیاسی ادبیات بیلیشنی آرزو قیلهدی.
امرالله صالح و محمد محقق نینگ جنجلی دن سونگ، برقرارلیک و یقینلیک سیلاو تیمی جناب عبدالله عبدالله نینگ فیسبوک صحیفهسیدن بیر خبرنامه نشر قیلدی.
خبرنامهده امرالله صالح نینگ سوزلری «اویتلی و تأسفلی» دییلیب و ایتیلیشیچه، صالح نینگ بو سوزلریدن مقصد اتفافسیزلیک تشلش دیر.
بو خبرنامه گه جواب امرالله صالح، برقرارلیک و یقینلیک سیلاو تیمی نینگ خبرنامهسینی ترغیبلی بیلیب ایتیشیچه، ثبوت بولمهگنده برقرارلیک و یقینلیک تیمی شاشینمس دی. جناب صالح نینگ ایتیشیچه، تیزلیککه سیسنی نشر قیلهدی.
اجتماعی ترماقلرنی ایشلاوچیلریدن کوپینچهسی امرالله صالح نینگ نژادپرستلیککه عیبلب و ایتیشلریچه، بوندهی بیاناتلر افغانستان نین ایچکی اوروش گه تارتهدی، بیراق باشقه بیرقطار کیشیلر اوندن حمایت قیلیب برقرارلیک و یقینلیک سیلاو تیمی نینگ نژادپرستلیککه عیبلشگن.
شونینگدیک، باشقه بیرقطاری کیشیلر خصوصی بیر ییغین ایشیتیلیشی و بو سیس قندهی بیر شکلده امرالله صالح گه ییتگنینی سوراقلی بیلیب و باشقه بیرقطار کیشیلر هم «نژادپرستلیک سوزلمهسینی عمومی لشتیریش» نامیده کمپاین یولگه قوییشگن.
امرالله صالح، بوگون ینگی پست ده اوتگن کون یازگن مطلبی توغریسیده عذر سورهگن.
یاغدولیک حرکت اعضالریدن بیری داوود ناجی، اوز توییتر صحیفهسیده یازیشیچه، جناب صالح نینگ ادعالرینی تیکشیرماقده دیر و بو تیکشیروو حاضرگچه نتیجه بیرمهگن.
جناب ناجی نینگ ایتیشیچه، عدلی و قضایی ادارهلرگه شکایت رویخطگه بیریشنی دستلبکی ایشلری باشلنگن.
افغانستان قانونی اینیقسه جزا کدی نینگ 870 ماده سیده کیلیشیچه، «هر زمان بیر کیشی کمپیوتر یا-ده انترنت دن فایدهلنیب سیسلی نوار یا-ده یازمه آرقهلی سایبری فضاده قومی، مذهبی، دینی، تیل و سمتی تعصباتلرگه قول اورگن صورتده، قیسقه حبس گه محکوم بولهدی.»
شونینگدیک، اوشبو ماده نینگ بیرینچی فقرهسیده کیلیشیچه، «هر زمان اوشبو ماده نینگ بیرینچی فقره گه کیریتیلگن جنایت زوروانلیک، نفرت یا-ده مملکت یشاوچیلری آرهسیده عصیان گه سبب بولگن صورتده، اورته حبس گه محکوم بولهدی.»
بوندن آلدین، سیلاو ایرکین کمیسیونی نینگ اعضالریدن بیری مولانامحمد عبدالله، مذکور کمیسیون نینگ هزاره تبار ایشلاوچیلریدن بیری نینگ کمسیتیب و اونگه اهانت قیلیش گه عیبلنگن ایدی.
شو توغریده…
برقرالیک و یقینلیک اعتراضیگچه تیسکری سنهش؛ دولت قورووچی: بوزمهکارلیک یولده دیر
