افغانستان حج و اوقاف وزیری فیض محمدعثمانی نینگ ایتیشیچه، بوندن کیین جمعه نمازی خطبه لری نینگ عنوان لری ملا امام لرگه پیام آرقه‌لی یوباریله‌دی.
حج و اوقاف وزیرلیگی نینگ یوزکونلیک برنامه‌سینی بیان ایتیش ییغینیده جناب عثمانی، بوندن کیین حج و اوقاف وزیرلیگی جمعه کونلری خطبه لری‌نینگ عنوانلری توغریسیده بولگن موضوع‌لرنی معلوم قیلیب پیام آرقه‌لی ملا امام لرگه یوباریله‌دی دیگن.
حج و اوقاف وزیرلیگی نینگ یوزکونلیک برنامه سیده 700 دولتی لوازم دین عالم لرینی رسمی شلکده مسجدلرگه ملاامام تعین‌لش اوچون نظرده آلینگن.
اوشبو برنامه گه کوره، مسجدلرده‌گی برچه اجیرلر موقفی رسمی‌لشتیریلیب و ملا امام لر و دین عالم‌لری رسمی شلکده دولت لایحه سیگه کیره‌دی.
مذکور وزیرلیک‌نینگ یوزکونلیک برنامه‌سیده، ملاامام لر سویه‌سینی یوقاری کوتاریش اوچون علمی سفرلر، تحصیلی بورسیه لر و تعلیماتی مدرسه لر قوریلیشی توغریسیده هم گپیریلگن.
حج و اوقاف وزیری نینگ ایتیشیچه، ملاامام لر سیناودن اوتکزیلگنیدن سونگ تعیین لنیب، اوندن کیین ینگی تعیین بولگن ملاامام لر اوچون تعلیمی مدرسه قوریله‌دی.
حج و اوقاف وزیرلیگی نینگ یوزکونلیک برنامه‌سیگه کوره، مسجدلر امامی و دین عالم‌لری افغانستان دولتی تامانیدن تعیین‌لنگن شرایط گه اساس اهالی گه موعظه قیله‌دی.
ایریم گزارشلرگه کوره، اوتکن ییل‌لرده بیر قطار ملا امام لر افغانستان اولوسی و تیزیمی منفتی گه قرشی تبلیغ قیلینگن.
جمهور رییس غنی نینگ فرمانی‌گه کوره، برچه وزیرلیک لر کیله‌جک یوزکون توغریسیده بولگن لایحه لری و برنامه لرینی بیان ایته‌دی.
حج و اوقاف وزیرلیگی یوزکونلیک برنامه‌سینی آچیق شکلده بیان ایتکن بیرینچی وزیرلیک دیر.
