بامیاننینگ ینگی والیسی طاهر زهیر، مذکور ولایت یشاووچیلری و بیرقطار نمایندهلرینینگ موجود قرشیلیکلریگه قرهمی، چهارشنبه کونی ایشیگه باشلهدی.
بوندن آلدین جمهور رییس غنی بیر فرمان صادر قیلیب، جناب زهیر و معصومه مرادیلرنی بامیان و دایکندی ولایتلرینینگ ولایت والیلری صفتیده تعین قیلگن ایدی.
بیراق جناب زهیرنینگ سیلهنیشی بامیان خلقی و بیرقطار نمایندهلرنینگ قرشیلیگیگه روپهره بولگن ایدی. طاهر زهیرگه قرشی اعتراضچیلر بامیان ولایتی بناسی اونگیده تحصن چاردی تیکلهگن ایدیلر. اعتراضچیلر حکومتدن بامیان ولایتی اوچون باشقه بیر کیشی تانیشتیریلیشینی سورهگن ایدیلر.
نهایتده بامیاننینگ ینگی والیسی جدی امنیتی چاره تدبیرلر بیلن اعتراضچیلرنینگ تحصن چادرلرینی باسیب ولایت بناسیگه کیرگن. ایتیلیشیچه، اعترضچیلر خیمهلرینی قیتهدن تیکلهگنلر.
عین حالده، جناب زهیر طرفدارلرینینگ ایتیشیچه، بیرقطار کیشیلر جناب زهیرنینگ بامیان والیسی صفتیده تعیین لنیشیگه ناراضلیک بیلدیریش برچه خلق فکر ایستهگی ایمسدیر.
سلاموطندارنینینگ بو توغریده تیارلهگن گزارشیگه کوره، جناب زهیرنینگ تانیشتیریلهیاتکن پیتده ایتیشیچه، نیتی بامیان خلقیگه خذمت قلیشدن بولک نرسه ایمس دیر.
طاهر زهیر اشرفغنی رهبرلیگیدهگی تحول و تداوم سیلاولر ترغیبات کمپاینینینگ تانیقلی فعال اعضالریدن، او سیلاولر جریانیده عاموی اخبارات واسطهلریده مذکور تیمنی جدی حمایت قیلگنلردن.
ایتیلیشیچه، جناب زهیر سابق جمهور رییس حامدکرزینینگ ایکینچی اورین باسری کریم خلیلینینگ یقین آدملریدن.
اوچینچی عیال والی ایشیگه باشلهدی
باشقه بیرخبرگه کوره، خانم سیما جوینده ینگیدن جمهور رییس تامانیدن غور والیسی صفتیده تانیشتیریلگندن سونگ ایشیگه باشلهدی.
خانم جوینده، بامیاننینگ سابق والیسی حبیبه سرابی و دایکندینینگ ینگی والیسی معصومه مرادیدن کیین افغانستانده اوچینی عیال والی حیثیده تعین ایتیلهدی.
سیما جوینده، مذکور ولایت محل رسمیلری و اهالیسی حضوریده سوزگه چیقیب، امنیتنی تأمینلش، اداری فسادگه قرشی کورهشیش، بنگیوارماده ایکینینی آلدینی آلیش و قومی قرهمه قرشیلیکلرنی اورتهدن کوتاریشی قیلهجک بیرینچی ایشلریدن ایکنلیگینی ایتگن و غور اهالیسیدن بیر- بیراویلریگه قول بیریب غور ولایتیدهگی موجود قیینچیلیکلرگه قرشی کورهشیشلرینی سورهگن.
سیمان جوینده بوندن آلدین غور ولایتینینگ ولسی جرگه دهگی نمایندهسی صفتیده ایشهلگن.
