.jpg)
بوندن ایکّی آی آلدین آمو دریانینگ قیرغاغیده سوو تاشیشی نتیجهسیده یشش اویلری ویران بولگن جوزجان ولایتی قرقین تومنی نینگ یوزلب یشاووچیسی یامان وضعیتده ایکن لیکلرینی ایتگنلر.
اولر آمو دریانینگ قیرغاغی مستحکم لنمسلیگی اوچون مرکزی حکومتنی تفاوت سیزلیککه عیبلهگنلر. اخیرگی وقتلرده اوشبو دریاده سوونینگ یوقاری چیقیشی نتیجهسیده 500 یشش اوی یوزلب جریب ایکین ییر سوو آستیگه قالیب کیتگن.
سلاموطندار ترماغیگه صحبت بیرگن قرقین تومنی نینگ اهالسی، آمو دریانینگ سووی آلدی آلینیشی اوچون مرکزی حکومت جدی چاره تدبیر کورمهگن حالده، بو تومن بوتونلی سوو آستیگه قالیب کیتیشی ممکن دیگنلر.
جوزجان ولایتی نینگ ولایت کینگشی اعضاسی حلیمه صدف کریمی، اوی جایلری سوو آستیگه قالیب آواره بولگنلر یامان وضعیتدهلر دیگن. بو خانهدانلر قیشگی کییم – کیچک سیز قار و یامغیر آستیده حیات کیچیره دیلر دیدی خانم صدف.
.jpg)
بانو کریمی، آوارهلرگه ییتیشیلمهگن حالده، بو عایلهلرنینگ بالهسی تورلی کسللیکلرگه چلینیب انسانی فاجعه یوز بیریشی ممکن لیگی توغریسیده خواطر بیلدیرگن.
جوزجان ولایتی والیسی نینگ سوزلاووچیسی محمدرضا غفوری آواره بولگنلرنینگ وضعیتیدن خواطر بیلدیریب، محلی حکومت بوتون آواره بولگن خانهدانلرگه انسان پرورلیک یاردم ییتکزیب بیریش امکانیتیگه ایگه ایمس دیدی. اونینگ سوزلریگه کوره، محلی حکومت آمو دریا نینگ 30 کیلو متر قیرغاغی مستحکم لهنیشی اوچون دستلبکه ایشلرنی باشلهگن.
جوزجان ولایتی نینگ اهالیسی، هر ییلی آمو دریا نینگ سووی یوقاری کوتاریلیشی آرتیدن یوزلب یشش اوی همده یوزلب جریب ایکین ییر سوو آستیگه قالیشیگه قرهمی، لیکن مرکزی حکومت دریا نینگ قیرغاغی مستحکم لهنیشی اوچون هنوزگچه اساسی بیر ایش قیلمهگن دیدیلر.
